KAMATI YA USALAMA, WATAALAMU WA HALMASHAURI WATEMBELEA NA KUKAGUA MIRADI ITAKAYOPITIWA NA MWENGE WA UHURU

Posted on: February 19th, 2025

Kamati ya usalama ya Wilaya ya Rufiji pamoja na Wataalamu wa halmashauri wamefanya ziara ya kutembelea na kukagua miradi mbalimbali ya maendeleo itakayopitiwa na mwenge wa uhuru ambao katika Wilaya ya Rufiji unatarajiwa kukimbizwa Aprili 5, 2025.

Kamati hiyo iliyoongozwa na Mkuu wa Wilaya ya Rufiji Mhe. Luteni Kanali Fredrick Komba, imefanya ziara hiyo leo Februari 19, 2025, ambapo miongoni mwa miradi waliyoipitia ni pamoja mradi wa ukarabati wa majengo ya hospitali ya Wilaya Utete, mradi wa barabara ya kiwango Cha lami ya Mahakama-kituo Cha Afya Ikwiriri katika Kata ya Ikwiriri pamoja na Kitengo Cha elimu Maalumu katika Shule ya Msingi Rufiji iliyopo Kata ya Mgomba.

Miradi mingine ni Bweni la Wasichana la Shule ya Sekondari Ikwiriri, Mradi wa Vijana wa Kata ya Mgomba - Tarafa ya Ikwiriri wa kufyatua matofali, mradi wa Maji uliojengwa Kijiji Cha Shela Kata ya Mohoro, mradi wa mnada wa Machinjio unaojengwa katika Kijiji Cha Nyamwage Kata ya Mbwara.

Vile vile walitembelea Shule ya Msingi Umwe ambapo yatafanyika mapokezi ya Mwenge wa uhuru, Uwanja wa Ujamaa ambayo itakuwa Sehemu ya mkesha wa Mwenge wa uhuru, Chuo Cha FDC-Ikwiriri takuwa Sehemu ya kupata chai ya Asubuhi pamoja na Shule ya Sekondari Utete ambayo itakuwa Sehemu ya kupata Chakula Cha mchana.