KAMATI KUU KANDA YA MASHARIKI YAFANYA KIKAO CHA PILI CHA MAANDALIZI YA MAADHIMISHO YA SIKU YA NANENANE 2022.

Posted on: July 15th, 2022

Kamati Kuu Kanda ya Mashariki ya maonesho ya Nanenane Leo julai 15. 2022 imefanya   kikao cha pili cha maandalizi  ya maonesho kwa mwaka 2022 katika  Ukumbi wa JKT uliopo Viwanja vya nanenane Morogoro.

Akifungua kikao hicho  Mwenyekiti wa kikao ambaye pia ni Mkuu wa Mkoa wa Tanga Mhe. Adam  Malima amesema Kanda ya Mashariki inawajibu wa kufanya vizuri katika maonesho hayo hususani katika uoneshaji wa tekinilojia za kisasa zitakazo wasaidia wakulima kufanya vizuri hususani katika kilimo biashara.

Aidha Kamati ilipata nafasi ya kutembelea mabanda yote  ya halmashauri za Kanda hii ili kujionea hali halisi ya maandalizi ikiwemo maendeleo ya vipando .

Pamoja na hayo amewataka Maafisa Habari kuhakikisha uhamasishaji unafanyika kabla na wakati wa maonesho hususani kwa Wananchi wa chini katika Halmashauri zao ili elimu na mbinu zitakazotolewa zikalete tija hata kwa wakulima wadogowadogo.

Akifunga kikao Mwenyekiti amezitaka halmashauri kufanya ukaguzi wa vipando vyao katika mabanda Yao na kuoneza kuwa kila halmashauri ijipime na halmashauri nyingine ili kuleta ushindani wenye tija katika maonesho hayo.

Maadhimisho haya yanatarajiwa kufanyika tarehe 1 – 8/8/2022 yakihusisha mikoa minne, Pwani, Morogoro, Tanga na Dar es salaam katika viwanja vya nanenane Mkoani Morogoro