DC SAWALA AWATAKA TFS KUYATUNZA MAENEO YA MAMBO KALE KIJIJINI MKONGO

Posted on: January 9th, 2021

Ameyasema hayo wakati wa ziara yake alipotembelea maeneo ya kumbukumbu ya Mkutano Mkuu wa Halmashauri kuu ya Tanu uliofanyika katika kijiji cha Mkongo mwaka 1972 na kutangaza kuanzishwa kwa Vijiji vya Ujamaa nchi nzima baada ya kuona Warufiji wamefanikiwa kuhamia katika Vijiji hivyo mwaka 1968.

Aidha ameagiza TFS kushughulikia utunzaji wa majengo hayo ya kale yenye historia kubwa ya Nchi hasa Nyumba aliyokuwa akifikia Mwl. Nyerere wakati anapotembelea Rufiji, pamoja na uboreshaji wa mnara uliojengwa hivi karibuni ili kuendelea kuenzi historia hiyo. " Ni lazima maeneo haya yahifadhiwe na Wazee hawa wanaosimulia historia ya eneo hili vizuri Watunzwe ili eneo hili liwe ajira yao kwa kupokea watalii wa ndani na nje." ailisema.Ameongeza kuwa maeneo hayo yataongeza kipato kwa Kijiji , kwa Wilaya na kwa Serikali kuu kama patattangazwa Vizuri na kutunza Vizuri.

Sambamba na hilo amehamasisha Wanarufiji ambao hawafahamu historia ya Kijiji hicho kuanza kutembelea ili wapate kuijua historia hiyo kabla ya Watalii wa nje.

Kwa upande wake Mzee Hamisi Mketo ambaye kwa wakati huo alikuwa Mwenyekiti wa pili wa Umoja wa Vijana TANU Wilaya ya Rufiji ametoa maoni yake kuwa ili Kijiji hicho kiendelee. Serikali ione ulazima wa kuanzisha Mji Mdogo ili kuongeza idadi ya watu kutembelea na kufahamu historia iliyobebwa na Kijiji cha Mkongo.Pia ameeleza kuwa kutokana na upatikanaji Mkubwa wa ,matunda ya embe kijijini hapo ni vyema kikajengwa kiwanda cha kuzalisha juisi ili kuwawezesha Vijana kujipatia ajira na kunusuru embe zinazoharibika kutokakana na kukosa matumizi.

Naye Mzee Matimbwa (Mwalimu mstaafu) ameomba kuwe na uhakika wa soko wa zao la ufuta na korosho ili Wananchi wanufaike na kilimo ambacho ndio uti wa Mgongo kijijini hapo.