DC RUFIJI AAPISHWA

Posted on: September 5th, 2024

Mkuu wa Mkoa wa Pwani Mhe. Abubakar Kunenge amemuapisha Mkuu wa Wilaya ya Rufiji Luteni Kanali Fredrick Faustin Komba huku akiwasisitiza Viongozi kuwa na ushirikiano ili kurahisisha utatuzi wa changamoto mbalimbali zinazowakabili Wananchi.

Amesema ushirikiano ni nguzo Muhimu katika kufanikisha mawazo bora kwa ajili ya kutatua changamoto za Wananchi na kupanga mipango ya maendeleo kwa kuzingatia uwezo na taaluma za Watumishi mbalimbali.

"huwezi kufanikiwa kama Kila kitu unataka kionekane ni kazi Yako pekee" alisema RC Kunenge.

Hafla fupi ya uapisho wa DC Komba umefanyika  leo Septemba 5, 2024 katika Ukumbi wa Mikutano wa Ofisi ya Mkuu wa Mkoa wa Pwani.

Kwa upande wake, Mkuu wa Wilaya ya Rufiji, Luteni Kanali Fredrick Faustin Komba, aliahidi kutekeleza majukumu yake mapya kwa kufuata sheria na kushirikiana na viongozi wenzake ili kufanikisha utekelezaji wa sera za Mheshimiwa Rais wa Jamhuri ya Muungano wa Tanzania, Dkt. Samia Suluhu Hassan.

Aidha Kunenge aliwakumbusha viongozi wa mkoa huo kufanya kazi kwa mujibu wa mamlaka na majukumu waliyopewa, na kuhakikisha maamuzi wanayofanya ni sahihi ili kuleta maendeleo kwa wananchi.

"Hata mtu akikuuliza majukumu yako ni yapi, uwe na uwezo wa kuyaelezea kwa ufasaha," alisisitiza Kunenge.