DC KOMBA ALITAKAJ JESHI LA AKIBA KUENDELEA KUDUMISHA AMANI RUFIJI.

Posted on: August 24th, 2025

Mkuu wa Wilaya ya Rufiji Mhe. Luteni Kanali Fredrick Komba, amewataka Askari wa Jeshi la akiba Wilayani Rufiji kuishi katika kiapo walichoapa cha kuendelea kudumisha amani, kuilinda katiba ya Nchi, Nchi na na raia wake huku akiwaonya kutojihusisha na viashiria vya uvunjifu wa amani.

Amesema Jeshi la akiba lina mchango mkubwa katika ulinzi na kudumisha amani ya Taifa, Wilaya na hata katika maeneo wanayoishi kwasababu lipo karibu zaidi na Wananchi.

“kila jambo mtakalolifanya mnatakiwa kuishi kwenye kiapo mlichoapa cha kuilinda katiba, nchi na raia wake na kuendelea kudumisha amani” Alisema DC.

Vilevike, Mhe.Komba aliwataka Askari kuwa wanyenyekevu na kutekeleza maagizo yanayotolewa na Viongozi wa Serikali yakiwemo ya Rais wa Jamhuri ya Muungano wa Tanzania Mhe. Dkt. Samia Suluhu Hassan.

DC Komba alisema hayo wakati akifunga mafunzo ya Jeshi la akiba kwa kundi la 12 Wilayani Rufiji katika uwanja wa Azimio Utete leo Agosti 24, 2025.

Katika hatua nyingine Komba, amewataka Wananchi wa Rufiji kushiriki kampeni na kupiga kura ifikapo mwezi oktoba mwaka huu kwa amani na utulivu.