DC GOWELLE: WATENDAJI WATOE MIFUGO

Posted on: August 25th, 2021

Mkuu wa Wilaya ya Rufiji Meja Edward Gowelle amewataka Watendaji kuhakikisha Mifugo iliyopo maeneo ya Kilimo inarudishwa katika maeneo yaliyotengwa kwaajili ya Kilimo.

Akizungumza katika mkutano wa Kusikiliza na kutatua kero za Wananchi mapema Leo katika Kata ya Utete Wilayani humo, Mhe. Gowelle amesema atayari ameanza oparesheni na kuwa Mifugo iliyokamatwa tayari imeshatozwa faini na Utaratibu wa kuelekeza Wafugaji hao maeneo waliyotengewa umefanyika.

Aidha amesema Msako huo utaendelea bila kutoa taarifa hivyo kuwataka Wafugaji kwenda maeneo waliyopoangiwa.

Kwa upande wa ajira kwa watoto Mhe. Gowelle ametoa msisitizo juu ya agizo lake kukataza Watoto wanaojihusisha na uuzaji wa bidhaa maeneo ya stendi na maeneo mengine hasa wakati wa masomo na kuongeza kuwa Wazazi watahusika endapo mtoto atakamatwa anafanya biashara muda wa masomo.

Pia amewataka Wale waliochukua aridhi kiholela bila kufuata taratibu kurudisha aridhi hizo na badala yake wafuate taratibu za umiliki wa ardhi kwa Mujibu wa Sheria.
Sambamba na hilo amewataka Wananchi kuacha kuvamia maeneo ya hifadhi ili yaweze kuwa na tija kwa Vizazi vijavyo.

Gowelle amewataka Watendaji na Viongozi wanaopewa mamlaka ya usimamizi wa miradi kuwa waaminifu katika usimamizi huo na kuepuka upigaji wa dili.
Vilevile amewataka Wananchi kutoa taarifa pale ninapokuwa na viashiria vya Rushwa ili kukomesha kabisa adha hiyo.

Aidha Mhe. Gowelle amewataka Wananchi  kuunga Mkono juhudi za Serikali hasa katika maeneo ya Ujenzi wa Soko na kuongeza kuwa wale ambao wamegoma kuachia maeneo taratibu za uchunguzi zitafanywa ili kujua na kuthibitisha uhalali wa umiliki wa maeneo hayo.