DC GOWELLE ATOA SIKU TANO KUFANYA SENSA YA MIFUGO NA KUPELEKA MIFUGO MAENEO YALIYOTENGWA

Posted on: August 31st, 2021

Mkuu wa Wilaya ya Rufiji Mhe. Meja Edward Gowelle amewataka Viongozi wa Wafugaji kuhakikisha wanafanya sensa ya Mifugo yote Rufiji pamoja na Wafugaji ikiwa ni pamoja na kutambua Wafugaji wa kudumu na wale ambao wanahamahama ili kutoa maeneo kulingana na mahitaji.

Aidha ameonya Wafugaji kupiga Wakulima na kusisutizaa kuwa maelekezo yatabadilika endapo ahawatatii kuacha tabia ya kupiga Wakulima.
" Sitaki kusikia Mfugaji amempiga mkulima Wala mkulima amempiga Mfugaji. Nikisikia nabadilisha maelekezo." Alisema.

Kwa upande wake Mkurugenzi Mtendaji wa Halmashauri, Bw. John Lipesi Kayombo amesema ili kutatua Changamoto ya Wafugaji ni lazima Viongozi wa Wafugaji kusimamia sensa ya Wafugaji pamoja na Mifugo Yao ikiwa ni sambamba na kutambua Wafugaji wa muda mrefu pamoja na wale wanaohamahama.

Kayombo, amewataka Wafugaji kuacha kutoa Rushwa kwa Viongozi wa Vijiji ili wajipatie maeneo badala yake wafuate taratibu za uombaji wa aridhi kwa mujibu wa Sheria.
Pia amesisitiza swala la ulipaji wa ushuru katika minada na kuhakikisha wanapewa risiti ya mashine kuzuia mianya ya upotevu wa fedha za Serikali.

Vilevile, katika uchangiaji wa huduma za kijamii Kayombo amesisitiza Wafugaji hao kuchangia vifaa vinavyohitajika badala ya kupeleka fedha mkononi.

" Msitoe pesa katika kuchangia maswala ya Maendeleo badala yake toeni vifaa vinavyohitajika ili kuzuia mianya ya upotevu wa fedha. Tunataka tuwajue ili tuwawekee mazingira mazuri ya Ufugaji bila kuwasumbua Wakulima. Wafugaji tunawahitaji na Wakulima tunawahitaji katika kuchangia maendeleo. " Alisema.

Naye, Mwenyekiti wa Wafugaji amewataka Wafugaji kukijikita katika Ufugaji wa kisasa ili kupunguza idadi kubwa ya Mifugo Wilayani humo.
Aidha amekemea vikali Wafugaji wakorofi pamoja na wale wanaoingia kinyemela bila kufuata utaratibu.