DC GOWELE: TUTUMIE UJUZI TULIOUPATA KUIJENGA NCHI YETU

Posted on: February 26th, 2022

Mkuu wa Wilaya ya Rufiji Meja Edward Gowele amewataka Wahitimu wa Mafunzo ya muda mrefu na mfupi wa chuo Cha maendeleo ya Wananchi FDC kutumia Vizuri ujuzi walioupata chuoni hapo ili kuleta tija kwa Taifa.
Meja Gowele amesisitiza kuwa Taifa linahitaji Vijana thabiti, wenye maamuzi na wenye Taaluma." Taifa bila kuwa na Vijana wenye ujuzi, hatuwezi kwenda. Hivyo tumieni ujuzi mlioupata mkaijenge Nchi yetu." Alisema
Aidha ametoa pongezi kwa Serikali ya awamu ya sita inayoongozwa na Mhe. Samia Suluhu Hassan Rais wa Jamhuri ya Muungano wa Tanzania kwa kuendelea kutoa miongozo na kuhakikisha Halmashauri zinatoa asilimia kumi kwaajili ya mikopo ya wanawake, Vijana na wenye ulemavu na kuwataka Wahitimu hao kutumia fursa hiyo ili kujiongezea mitaji na kujiajiri." Tuendelee kumpongeza na Kumshukuru Mhe. Rais ambaye amekuwa akitupatia miongozo hasa katika suala la mikopo ya asilimia kumi kwa wanawake , Vijana na wenye ulemavu." Alisema Meja Gowele.
Aidha ametoa onyo kwa Wahitimu hao kujiunga na makundi yasiyofaa kwa kisingizio Cha kusubiri ajira na badala yake kuwa mabalozi wazuri katika Jamii zao kwani elimu waliyoipata ni ya kuwawezesha kujiajiri.