DC GOWELE Awataka TARURA kuongeza Kasi ya Kurekebisha Barabara

Posted on: January 26th, 2024

Mkuu wa Wilaya ya Rufiji Meja Edward Gowele amewataka TARURA kuongeza kasi ya kujaza mawe barabarani katika maeneo yote korofi yenye mashimo makubwa ili gari ziweze kupita na kutoa huduma kwa Wananchi, ikiwa ni moja ya juhudi za haraka za kuhakikisha huduma ya usafiri inapatikana hasa katika kipindi hiki cha mvua zinazoendelea kunyesha.

“ni hatua za awali za kunusuru kwa kipindi hiki, wakati tunaendelea kufanya utaratibu wa kuweka miundombinu ya kudumu”

DC Gowele ameyazungumza hayo jana Januari 25, 2024 katika Kijiji cha Nambunju ikiwa ni ziara yake ya kukagua miundombinu ya Barabara katika Kata ya Mbwara, ambapo TARURA walikuwa wanapanga mawe katika Barabara ya Nyamwage – Mpakani ambayo inamashimo yaliyosababishwa na Mvua zinazoendelea kunyesha.

Akizungumza Diwani wa Kata ya Mbwara ambaye aliongozana na Mkuu huyo katika ziara hiyo alisema njia ya Mbwara kuelekea Kitapi daraja limevunjika na hakuna gari inayofika katika kijiji hicho.

Kwa upande wake ENG. Wa TARURA Wilaya ya Rufiji  Maulidi Mhima amesema mkandarasi aliyekuwa naendelea kufanya marekebisho katika maeneo korofi ndani ya kata hiyo alishindwa kuendelea na kazi kutokana na mvua zinazoendelea.

“…kwahiyo sisi kama TARURA tumetafuta suluhu ya harakaharaka ya kuendelea kujaza mawe kwenye yale maeneo yote ambayo hayapitiki ili yaweze kupitika” amesema.