DC GOWELE AIPONGEZA MAHAKAMA, ASISITIZA UTATUZI WA MIGOGORO KWA NJIA YA USULUHISHI

Posted on: February 1st, 2023

Mkuu wa Wilaya ya Rufiji Meja Edward Gowele ameipongeza Mahakama kwa kufanya kazi kubwa ya kutoa haki kwa Wananchi na kupelekea kupungua kwa malalamiko ya Wananchi kukosa haki zao.

Sambamba na hilo ametoa pongezi kwa Mahakama kwa kuelimisha jamii kutumia njia ya usuluhishi wa migogoro inayoibuka badala ya kutumia gharama kupeleka migogoro hiyo mahakamani.

“ tufanye suluhu ya matatizo yetu kabla ya kufika Mahakamani. Tukikatatua migogoro baina yetu itatusaidia sana.” Alisisitiza Meja EEdward Gowele
Aidha, ametoa Wito kwa viongozi kuanzia ngazi ya Vitongoji kuhakikisha wanazingatia njia za usuluhishi wa migogoro kwa Wananchi na kuhamasisha kutumia njia za mazungumzo ili wananchi hao wamelize migogoro yao kwa wakati na kwa Amani.

Kwa upande wake hakimu wa Makama ya Wilaya amesema utatuzi wa migogoro kwa njia ya usuluhishi ni takwa la kikatiba ambalo utekelezaji wake ni muhimu ili kuendana na kasi ya shughuli za ukuaji wa uchumi Nchini na kutoa Wito kwa Wananchi kuheshimu sheria na miongozo inayotolewa na viongozi na ambayo ipo kisheria ili kuendelea kudumisha Amani na maendeleo ya Taifa huku akiwataka Viongozi na wadau wa sheria kutambua umuhimu wa usuluhishi katika kutatua migogoro na kukuza uchumi wa Taifa.

Maadhimisho ya Wiki ya Sheria Nchini yameongozwa na kauli mbu, UMUHIMU WA UTATUZI WA MIGOGORO KWA NJIA YA USULUHISHI KATIKA KUKUZA ENDELEVU: WAJIBU WA MAHAKAMA NA WADAU