BILIONI 2.384 MAPATO YA NDANI ZATOLEWA KWA UTEKELEZAJI MIRADI YA MAENDELEO RUFIJI.

Posted on: November 1st, 2021

Mkurugenzi Mtendaji wa Halmashauri ya Wilaya ya Rufiji John Lipesi Kayombo ameidhinisha kiasi cha shilingi Bilioni 2,384,377,164.99 fedha za mapato ya ndani  kwaajili ya utekelezaji wa miradi ya maendeleo.

Akitaja Mchanganuo wa fedha hizo amesema, ameidhinisha Shilingi Bilioni 1,283,904,811 kwaajili ya umaliziaji  wa miradi ya 2020/2021 na kiasi cha shilingi bilioni 1,100,472,353.08 kwaajili ya utekelezaji wa miradi ya maendeleo mwaka mpya wa fedha 2021/2022 robo ya kwanza.

“katika mwaka wa fedha 2021/2022 tumetenga kiasi cha shilingi Bilioni 1,646,340,002.00 ambapo hadi kufikia Septemba 30.2021, nimeidhinisha kiasi cha shilingi bilioni 1,100,511,317.91.

 tumeanza utekelezaji huu kwa haraka ili kuendana na kasi ya Mhe. Rais katika utekelezaji wa miradi ya maendeleo kwa matokeo ya haraka.” Alisema Kayombo.

Sambamba na hilo, Kayombo amesema, Halmashauri imejikita katika uboreshaji wa miundombinu wezeshi  sambamba na kasi ya ongezeko la  ukusanyi wa mapato ili kuhakikisha miradi yote inatekelezwa na Wananchi wananufaika.

Aidha amewataka wasimamizi wa utekelezaji wa miradi hiyo pamoja na kamati kufanya kazi kwa uadilifu ili kuleta ufanisi katika utekelezaji.