BIBI TITI MOHAMED HAKUWA MNYONGE, NIWAOMBE WARUFIJI TUKAISHI MAISHA YA BIBI TITI.

Posted on: December 14th, 2024

BIBI TITI MOHAMED HAKUWA NNYONGE, NIWAOMBE WARUFIJI WENZANGU TUKAISHI MAISHA YA  BIBI TITI MOHAMED - MCHENGERWA.

Waziri wa Nchi Ofisi ya Rais TAMISEMI na Mbunge wa Jimbo la Rufiji Mhe. Mohamed Mchengerwa amewataka wa Wananchi wa Rufiji kujitoa katika kufanya kazi kwa bidii ili kujenga uchumi wa Rufiji na kuongeza kuwa Bibi Titi hakuwa Mnyonge alikuwa mchapaka kazi na mpambanaji katika Taifa hili.

"tutahakikisha historia ya Bibi Titi Mohamed imeandikwa kwa Taifa hili kwa makubwa aliyoyafanya. Bibi Titi hakuamini katika unyonge, Bibi Titi hakuwa Mnyonge. Nataka niwaambie Warufiji Msiwe wanyonge" alisisitiza Waziri Mchengerwa.

Mhe. Mchengerwa aliyasema hayo mbele ya maelfu ya Wananchi wa Rufiji waliojitokeza kwa wingi kufunga Maadhimisho ya siku tatu ya Tamasha la Bibi Titi Mohamed katika Uwanja wa Ujamaa- Ikwiriri leo Disemba 14, 2024, ambalo lilianza toka Disemba 12.

Mchengerwa aliwambia Wananchi wa Rufiji kuwa wana uwezo Mkubwa wa kulima, kusoma pamoja na kufanya kazi nchini, huku akiwataka kuishi katika maisha ya Bibi Titi Mohamed ya kufanya kazi kwa bidii.

"Kila mmoja wetu tukitoka hapa kwende tukafanye kazi. Bibi Titi alikuwa Tajiri, Bibi Titi alikuwa Mfanyabiashara, Bibi Titi hakuwa Masikini, alifanya kazi kwa bidiiniwaombe Warufiji Wenzangu tukaishi maisha ya Bibi Titi Mohamed. " alisema Mchengerwa.