BEREGE AWATAKA WAFANYABIASHARA RUFIJI KUANZA KUJIANDAA NA KUZITUMIA FURSA ZA UWEKEZAJI

Posted on: May 21st, 2025

Mkurugenzi Mtendaji wa Halmashauri ya Mji Rufiji Bw Simon Berege amewataka Wafanyabiashara na Wajasiriamali, Pamoja na Wananchi kwa ujumla Wilayani Rufiji kuanza kujiandaa kuzitumia fursa za uwekezaji unafanyika Rufiji ukiwemo Uwekezaji Mkubwa  wa Kilimo cha Miwa unaowekezwa na Kampuni ya 'Lake Agro' Katika Kata ya Chemchem, pamoja na uwekezaji Mkubwa wa Kilimo cha ndizi unawekezwa na Kampuni ya 'Food Star Limited' Katika Kijiji Cha Nyamwage Kata ya Mbwara kwa kufanya biashara mbalimbali na Ujasiriamali.

Amesema Rufiji inakwenda kufunguka kiuchumi kupitia Wawekezaji hao, hivyo Kuna kila sababu ya Wananchi wa Rufiji kuanza kujiandaa na namna watakavyofaidika.

"...uwekezaji utakuwa mkubwa lazima Wafanyabiashara na Wajasiriamali tuanze kufikia namna ya kujiandaa kwa kufanya biashara mbalimbali, kujenga nyumba za wageni...kwasababu Watu watakuwa wengi, na Rufiji inaenda kufunguka kiuchumi" alisema Berege.

Berege aliyasema hayo leo Mei 21, 2025 wakati akizungumza na Wafanyabiashara pamoja na Wajasiriamali katika Ukumbi wa Halmashauri, Utete.