BEREGE AKAGUA MIRADI YA MAENDELEO KATA YA MKONGO, KIPUGIRA, NGORONGO

Posted on: June 11th, 2025

Mkurugenzi Mtendaji wa Halmashauri ya Mji Bw. Simon Berege amekamilisha ziara yake ya siku mbili ambapo Leo Juni 11, 2025 ametembelea na kukagua ujenzi wa matundu 19 ya vyoo, ukaguzi wa huduma katika kituo Cha Afya Mloka, Ukarabati  wa vyumba 7 na Ofisi 2 shule ya Msingi Mwaseni, ujenzi wa matundu 15 ya vyoo shule ya Sekondari Mwaseni, pamoja na utiaji wa huduma kituo Cha Afya Nyaminywili kilichopo Kata ya Kipugira.

Katika ziara hyo amezungumza na watumishi wa Umma ikiwa ni pamoja na kusikiliza changamoto binafsi pamoja na changamoto za jumla huku akiwasisitiza watumishi kutumia nafasi walizonazo kutoa huduma Bora kwa Wananchi ikiwa ni pamoja na kuwekeza katika mazingira waliopo kama vile kujenga makazi pamoja na shughuli nyingine za kiuchumi ili kuchochea maendeleo kwa Jamii inayowazunguka.

Sambamba na hayo amewahamasisha watumishi ambao wenza wao wapo mbali kuwahamasisha kuhamia jirani na vituo vyao vya kazi ili kupunguza changamoto za umbali na kuongeza watumishi watakaojaza nafasi wazi kulingana na kada wanazofanyia kazi katika mazingira yao.