BARAZA LA WAFANYAKAZI RUFIJI LAPITISHA MAPEKENDEKEZO YA RASIMU YA MIPANGO, BAJETI

Posted on: January 31st, 2024

Baraza la Wafanyakazi Wilayani Rufiji lapitisha mapendekezo ya Rasimu ya Mpango na bajeti yenye jumla ya shilingi 27,715,508,240.00 ya Halmashauri Kwa mwaka wa fedha 2024/25 huku shilingi 6,015,037,240.00 kati ya fedha hizo ni mapato ya ndani yanayotarajiwa kukusanywa.

Akiwasilisha mapitio ya utekelezaji wa mpango na bajeti Kwa mwaka wa fedha 2023/24  julai - Desemba 2023 Mkuu wa Divisheni ya Mipango na Uratibu Pius Magoti amesema katika kipindi hicho Halmashauri imepokea fedha jumla ya shilingi 14,512,928,062.96 sawa na asilimia 54 ya lengo la mwaka 54  toka Serikali kuu, Wahisani, pamoja na mapato ya ndani.

" Hata hivyo mafanikio katika utekelezaji wa miradi ya maendeleo Halmashauri imetekeleza Kwa asilimia 59.9 ya lengo la mwaka." Aliongeza Magoti.

Akizungumza wakati wa kuahirisha kikao hicho, Mkurugenzi Mtendaji wa Halmashauri na Mwenyekiti wa Baraza la Wafanyakazi Rufiji  Simon Berege ametoa rai kwa viongozi wa Wafanyakazi na wanafanyakazi kushikamana Ili kufanyakazi Kwa Juhudi na ufanisi.

" Tutakaposhikamana tutafanyakazi vizuri, sisi ndio sehemu ya Wafanyakazi. Tunamshukuru sana Mhe. Rais miradi mingi imekuwa ukitekelezwa hapa kwetu Rufiji." Alisisitiza Berege.

Kwa upande wao wajumbe wa Baraza hilo wametoa pongezi kwa namna ambavyo bajeti hiyo imegusa maeneo yote hususani upande wa maslahi ya Watumishi ambapo katika utekelezaji wake itapunguza changamoto nyingi zinazowakabili wafanyakazi