ARIDHI ILIYOMILIKIWA KIHOLELA YARUDISHWA KWA WANANCHI.

Posted on: November 17th, 2020

Mkuu wa Wilaya Luteni Kanali Patrick Sawala amerudisha aridhi kwa Wananchi wa Kijiji cha Shela Kata ya Mohoro iliyokuwa ikimilikiwa na Bw. Rajabu Kaskazi kinyume Cha Sheria. Awali bwana Kaskazi alizuia Ujenzi wa Shule Shikizi kwa watoto wa Kijiji hicho usiendelee na kukitaka kijiji kimrudishie  eneo lake Jambo ambalo Serikali imebaini kuwa eneo hilo ni mali ya Kijiji na kuwa Kaskazi alijichukulia eneo hilo bila kufuata taratibu.
Awali, Rajabu Kaskazi alimuandikia Mkuu wa Wilaya kumuomba amsaidie kurudishiwa eneo hilo, huku akiambatanisha na hukumu ya baraza la ardhi la kata na Baraza la ardhi Wilaya lililopo Mkuranga ambapo hukumu hiyo iliamuru kuwa Bw. Rajabu Kaskazi arudishiwe eneo lake la hekari Tano ambalo lilikuwa limechukuliwa na Bw. Rajabu Mpili.
Baada ya Uchunguzi wa Kina wa Mkuu wa Wilaya na Timu yake imebainika kuwa, eneo analodai Rajabu kaskazi kuwa ni lake na amepewa haki kisheria, sio eneo ambalo Serikalikali ya Kijiji imetenga kwaajili ya Ujenzi wa Shule . 
Kufuatia tukio hilo, Mkuu wa Wilaya amemuagiza Mkurugenzi Mtendaji wa Halmashauri Ndg, Rashid Salum kuvunja Baraza la aridhi la Kata mara moja, kutokana na kuwa na mienemdo yenye maamuzi mengi yanayoonesha viashiria vingi vya kuwepo kwa Rushwa katika maamuzi yao." Kutokana na malala miko mengi tena ya Wananchi ambayo hufika mpaka Takukuru juu ya Baraza la aridhi Mkurugenzi ninakuagiza kuvunja Baraza la aridhi mara moja." Aliagiza