AMERICARES WATOA MSAADA RUFIJI

Posted on: June 25th, 2024

Mkuu wa Wilaya ya Rufiji Mhe. Meja Edward Gowele amepokea msaada wa magodoro, neti, ndoo pamoja na madawa muhimu na vifaa tiba kutoka shirika la Kimataifa lisilo la kiserikali ‘americares Tanzania’ walioshirikiana walioshirikiana na  Red cross Tanzania vyenye thamani ya shilingi 100, kwa ajili ya kusaidia Wahanga wa mafuriko Rufiji.

“Mhe. Mkuu wa Wilaya, siku ya leo kwa Kushirikiana kwa Kushirikiana na wenzetu wa Red Cross Society, tumeleta msaada wa kibinadamu ikiwemo Magodoro, neti, ndoo lakini pia kunadawa muhimu na vifaa tiba na tumejenga uwezo wa Wafanyakazi wa Red Cross katika kutoa msaada wa kisaikolojia” alizungumza Dkt. Ben Ngereza Mwakilishi wa Shirika la americares.

Gowele alipokea msaada huo jana Juni 25, 2024 katika viwanja vya Chuo cha maendeleo ya Wananchi FDC- Ikwiriri huku akiishukuru shirika hilo kwa msaada walioutoa kwa ajili ya Wananchi walioathirika na kuwahahakikishia kuwa utafika kwa walengwa.

“lakini lazima tumshukuru Dkt. Samia Suluhu Hassan, Rais wa Jamhuri ya Muungano wa Tanzania kwa namna alivyotushika mkono tangu tuliapoanza mafuriko mpaka tumefika leo, tumepata misaada mingi ya chakula mavazi na makazi. Tulikuwa na changamoto kubwa zaidi ya Watu 74,638 walikuwa wameathirika, lakini Kaya 18, 560 walikuwa wameathirika kutokana na mafuriko haya” alisema Mhe. Gowele.

Akizungumzia hatua zinazochukuliwa ili kuhakikisha Wananchi ambao makazi yao yaliathirika na mafuriko kutokana na kujenga maeneo ya mabondeni, DC Gowele alisema serikali ya Kijiji na Kata waliomba eneo la Wakala wa Misitu Tanzania (TFS) lenye heka zaidi ya 150 kwa ajili ya kutoa viwanja bure.

“Serikali kupitia serikali ya Kijiji na Kata waliomba eneo la TFS lenye heka zaidi ya 150 ambalo tuligawa viwanja bure, na ndo maana tunawahamasisha watoke maeneo ya mabondeni ili hali isiendelee kujirudia mwaka hadi mwaka. Lakini bado tumeendelea kuomba kwenye serikali yale maeneo ya hifadhi, tumeshaomba zaidi ya heka 300 ili hawa tuonaowagawia viwanja waweze kufanya shughuli zao za kiuchumi kama kilimo na ufugaji” aliongeza.