ADRA WATOA MSAADA KWA KAYA 250 ZILIZOATHIRIKA NA MAFURIKO

Posted on: October 24th, 2024

Shirika la Maendeleo na Misaada la Waadventista, Wasabato (ADRA) limetoa msaada wa fedha kiasi cha shiligi 368,000 kwa Kila  kaya iliyochaguliwa kati ya 250 zilizoathirika na mafuriko wakati wa masika ili ziweze kuwasaidia katika mahitaji yao mbalimbali ikiwemo maandalizi ya msimu wa kilimo na ununuzi wa mbegu.

Miongoni mwa vigezo vilivyotumika ni pamoja na Wananchi waliopoteza vitega uchumi wakati wa mafuriko, Kaya zenye Watu wanaoishi na ulemavu, kaya zilizopo katika mpango wa kaya Masikini TASAF, kaya zenye familia zinazoongozwa na Wanawake, Familia zenye washiriki Wazee.

Akizungumza Askofu wa Kanisa la Waadventista amesema wametoa misaada hiyo Rufiji kwasababu waliguswa na maisha ya baadhi wa Wananchi walioathirika na kupoteza Mali zao wakati wa Mafuriko.

Shirika hilo la kibinadamu la Kimataifa limetoa msaada huo leo Oktoba 24, 2024 Katika viwanja vya ofisi ya zamani ya Kata ya Chemchem ambapo wanawake 126 na Wanaume124 wamepatiwa msaada.

Kwa upande wake Mkuu wa Wilaya ya Rufiji Mhe. Luteni Kanali Fredrick Komba ameishukuru shirika la ADRA kwa kuwajali Wananchi wa Rufiji.

“nitumie fursa hii kuwashukuru sana Shirika la ADRA kwa kutujali sisi Wananchi wa Rufiji kwa kitendo chao cha kuguswa na janga la mafuriko ambalo lilitukumba wakati wa msimu wa masika, Ahsante sana kutujali na kututhamani” alisema DC komba.

Pamoja na hayo Mhe. Komba alitoa shukrani kwa Rais Samia Suluhu Hassan na Mbunge wa Jimbo la Rufiji kwa namna wanavyoimarisha mahusiano na Taasisi mbalimbali.

Awali Diwani wa Kata ya Chemchem Ally Manganje aliishukuru ADRA kwanamna ilivyogusa maisha Ya Wananchi waliokumbwa na mafuriko wakiwemo wa Kata ya Chemchem.