300 WATIBIWA MACHO BURE

Posted on: October 2nd, 2020

 Kaimu Mkurugenzi Mtendaji wa Halmashauri ya Wilaya ya Rufiji Bw. Geriad  Ismael Mgoba amezindua Huduma ya matibabu ya macho inayotolewa na Club ya Lions Dar es salaam Mzizima katika katika Kituo cha Afya Nyaminywili kilichopo kilichopo kata ya Kipugira Wilayani Rufiji. 
Club ya Lions inatoa matibabu hayo kwa muda wa siku tatu na kwa siku ya Jana tu wamehudumia watu zaidi ya 300 kutoka kata za mwaseni na Ngorongo na kati yao wagonjwa takribani 23 wamepatiwa huduma ya upasuaji wa mtoto wa jicho.
Matibabu hayo yanakwenda sambamba na utoaji wa miwani bure, dawa , upasuaji, pamoja na chakula kwa wale wanaopatiwa huduma kituoni hapo bila kulipa gharama yoyote. 
Akizungumza katika tukio hilo, Rais wa Club ya Lions Bw. Hitesh Solanki amesema matibabu yamelenga kuwasaidia watu wote  wanaosumbuliwa na tatizo la macho hususani wale wanaokosa matibabu kwasababu ya kushindwa kulipia gharama za matibabu.
Kwa Upande wake Mganga Mkuu wa Wilaya Dkt. Ally Zuberi Mbikilwa ametoa Shukrani kwa Uongozi wa Club ya Lions kwa kukubali kuja Rufiji na Madktari Bingwa kushirikiana na Serikali kutoa huduma na kuongezea kuwa anaendelea kufanya mawasiliano na wadau wengine ili kuendelea kuja Rufiji na kutoa huduma za Afya ambazo ni Changamoto kwa Wananchi wa Rufiji.
Naye Kaimu Mkurugenzi Mtendaji wa Halmashauri ya Wilaya ya Rufiji Bw. Geriad  Ismael Mgoba ametoa Shukrani kwa Club na kuwaomba kurudi tena kuhudumia vituo vyenye watu wengi ili kuwafikia Wananchi wengi zaidi. Aidha mmoja wa wagonjwa aliyepatiwa huduma hiyo ameishukuru Serikali pamoja na club ya Lions kuwasaidia Wananchi na kupendekeza kuwa huduma hiyo ingetolewa kila mwaka." Kama unavyoona watu tumefurika na tumesafiri kutoka vijiji vya mbali kufuata huduma hii kwakweli tunashukuru sana na imetusaidia sana na tunaomba itolewe walau Mara moja kila mwaka." Alisema.