VIONGOZI HUDUMIENI WANANCHI: Lt. Col. Patrick Sawala

Posted on: April 6th, 2021

.Mkuu wa Wilaya ya Rufiji Lt. Col. Patrick Sawala amewataka Viongozi hasa Wenyeviti kuhakikisha wanatoa huduma kwa Wananchi na kuacha kuingiza migogoro inayowaumiza Wananchi.Ameyasema hayo Jana tar.06/04/2021 katika Kijiji Cha Mgomba Kaskazini kitongoji Cha Mpina aliposimama kusikiliza Kero za Wananchi akiwa njiani kuelekea katika ziara yake ya Ukaguzi wa Mradi wa Umwagiliaji Segeni uliojengwa katika Kijiji Cha Mbunju Mvuleni.Wananchi hao wameeleza kero ya Wizi wa kutumia silaha upiokithiri katika eneo lao, majibu machafu ya Viongozi, pamoja na kuKosa msaada wa karibu kutoka kwa Viongozi pale wanapokuwa na shida.Pamoja na Mifugo kuingia katika mashamba matatu ya Wananchi na kuharibu mazao yao na Viongozi kusuasua katika kufuatilia taratibu za kisheria ili Wananchi hao wapate haki zao.Akijibu kero zao, Mkuu wa Wilaya amemuagiza OCD kuhakikisha polisi kata pamoja na vyanzo mbalimbali vya taarifa kushirikiana na Wananchi hao ili Mwizi huyo akamatwe Mara moja. Pia amemtaka OCD kuhakikisha Mfugaji aliyesababisha hasara kwa Wakulima hao anakamatwa na kuchukuliwaa hatua za kisheria.Pia amewataka Viongozi kutatua Changamoto za Wananchi badala ya kuwaacha Wananchi wanahangaika na kusubiri Viongozi wa ngazi za juu.Sambamba na hilo ameahidi kufanya Mkutano na Wananchi hao tarehe 10/04/2021 siku ya jumamosi ikiwa ni pamoja na kufuatilia utekelezaji wa maagizo aliyotoa.