MTAA WA RUFIJI JIJINI MWANZA - MADIWANI WASHANGAZWA

Posted on: June 9th, 2022

MTAA WA RUFIJI JIJINI MWANZA - MADIWANI WASHANGAZWA

wakiwa katika ziara ya Mafunzo jijini Mwanza madiwani wa Halmashauri ya Wilaya ya Rufiji, viongozi wa chama pamoja na wataaalamu walishikwa na mshangao pale walipopita katika moja ya barabra za jiji la Mwanza na kuona Mtaa wa Rufiji jambo lililowafanya kufunga safari maalumu katika mtaa huo na kutaka kujua sababu ya Mtaa huo kupewa jina la Mtaa wa Rufiji.

Akiuelezea Mtaa wa Rufiji Meya wa Manispaa wa Jiji la Mwanza Mstahiki Sima Constane Sima alisema, Mtaa wa Rufiji ni moja kati ya mitaa iliyoasisiwa na wenyeji wa Rufiji waliowahi kuishi Mwanza miaka ya zamani na kuongeza kuwa Mtaa huo ni miongoni mwa mitaa iliyochangamka na yenye gharama kubwa kwa nyumba za kupanga na hata viwanja vyake.

Naye Mwenyekiti wa Mtaa huo aliongeza kuwa Warufiji waliweza kujenga msikiti wa udongo ulioitwa msikiti wa Rufiji ambapo baadae ulijengwa vizuri na kuitwa Msikiti wa Sheikh Amin

Kwa upande wake Mwenyekiti wa Halmashauri ya Wilaya ya Rufiji Juma Ligomba amesema manufaa ya zoezi la anuani za makazi limekuwa lenye manufaa makubwa kwani bila kuona jina la mtaa huo wasingweza kuonana na Warufiji waliopo Jijini Mwanza ambao waliondoka Rufiji miaka mingi iliyopita na kurowea jijini humo.

Aidha ametoa pongezi kwa Rais wa Jamhuri ya Muungano wa Tanzania Mhe. Samia Suluhu Hassan kwa kutekeleza zoezi hilo kwa mafanikio makubwa katika utekelezaji wa zoezi la anuani za makazi na kuendelea kusisitiza kujiandaa kwa sensa ya watu na makazi itakayofanyika agosti 23 mwaka huu.