KUMBUKIZI YA KIFO CHA BABA WA TAIFA

Posted on: October 14th, 2021

Leo Oktoba 14.2021 Mkuu wa Wilaya ya Rufiji Meja Edward Gowele ameungana na Viongozi wa Dini, Wazee waliokuwa Viongozi enzi za TANU, Wazazi, Wanafunzi pamoja na Viongozi wa Umoja wa Vijana Chama Cha Mapinduzi Wilaya ya Rufiji kufanya kongamano la kumbukizi ya Kifo Cha Hayati Mwl. Julius Kambarage Nyerere katika Ukumbi wa halmashauri Utete Wilayani humo.

Akizungumza wakati wa Kongamano Hilo, Mhe. Gowele amesema Hayati Mwalimu Nyerere alipenda Vijana kuwa na ujuzi Jambo ambalo Rais wa Tanzania Mhe. Samia Suluhu Hassan analitekeleza kwa kasi kwa kujenga Vyuo vya VETA ambapo Wilaya ya Rufiji ni moja ya Wilaya yenye Chuo hicho.

Ameongeza kuwa, roho za kizalendo, uwajibikaji na kujituma ni moja Kati ya urithi unaotakiwa kuenziwa hususani na Vijana ili kuendelea kuwa chachu ya Maendeleo kwa Taifa.

Aidha Viongozi wa Dini wamesisitiza uzalendo na kuendelea kutambua kuwa kila Jambo linatakiwa kuanza na Mungu.

Kwa upande wao Vijana wameushukuru uongozi wa Chama kwa kuwaandalia kongamano ambalo limewapa chachu ya kutafakari na kujifunza Mambo ambayo yanawatuma kuweka azimio la utekelezaji kumuenzi baba wa Taifa hilo.