TAARIFA YA UJENZI WA ZAHANATI YA NYAWANJE

Start Date: 2022-02-12

End Date: 2022-06-12

 Kwa mwaka wa fedha 2021/2022Halmashauri ya Wilaya ya Rufiji ilipeleka fedha kiasi cha Shilingi 50,000,000.00 katika akaunti ya Kata ya Chemchem kwa ajili ya ujenzi wa Zahanati ya Nyawanje, Ikiwa ni utekelezaji wa maelekezo ya Mh. Waziri wa OR – TAMISEMI kwenye kitabu cha bajeti cha mwaka wa fedha 2021/2022. Fedha hizi zimetolewa la Halmashauri kutoka mapato yake ya ndani. 

Ujenzi wa Zahanati ya Nyawanje ulianza tarehe 12.02.2022 na unatarajiwa kukamilika tarehe 12.06.2022. Ujenzi huu unatekelezwa kwa mfumo wa “Force Account” na fundi anayetekeleza mradi huu anaitwa Omary Masudi Mbonde. 

Mpaka sasa kiasi cha Shilingi. 33,072,500.00 zimekwishatumika, ikiwa  ununuzi wa vifaa imetumika Shilingi 30,272,500.00 na malipo ya fundi imetumika Shilingi. 2,800,000.00. Kiasi cha fedha kilichobaki ni Shilingi 16,927,500.00 ambazo bado zinaendelea kutumika kwani ujenzi bado unaendelea. 

Kukamilika  kwa mradi huu kutapunguza adha ya wananchi kutembea umbali wa Zaidi ya kilomita 20 kufuata huduma za Afya katika Hospitali ya Wilaya iliyopo Utete. Pia kutapunguza sana vifo vitokanavyo na Uzazi.

Changamoto  ni kupanda kwa bei za vifaa vya ujenzi, uchakavu wa miundombinu ya barabara kutoka Utete mpaka Nyawanje ambayo haipitiki hasa kipindi cha masika, Ukosefu wa maji ya uhakika katika eneo la Mradi.

Changamoto hizo zimetatuliwa kama ifuatavyo; Kushindanisha wazabuni ili kupata mwenye bei nafuu, kusafiriasha vifaa vya ujenzi kwa kutumia guta, kuweka matenki ya maji eneo la mradi na kutumia guta kushota maji.