WANAOFANYA KAMPENI KABLA YA WAKATI KUKIONA CHA MOTO.

Posted on: January 23rd, 2025

Mkuu wa Wilaya ya Rufiji Mhe. Luteni Kanali Fredrick Komba amewaonya vikali watu wanaojihusisha na Kampeni kabla ya wakati Kupitia mgongo wa kutoa misaada kwa Wananchi, Vikundi vya Vijana wakiwemo Bodaboda pamoja na kujenga misikiti bila ya kufuata taratibu kutoka katika Ofisi yake.

Amesema misaada inayotoka kwa Mtu binafsi kwenda kwa Wananchi lazima ifuate taratibu na si vinginevyo.

Mhe. Komba aliyasema hayo jana Alhamisi Januari 23, 2024 wakati akizungumza na Wananchi wa Kata ya Ikwiriri Tarafa ya Ikwiriri katika Uwanja wa Tangi mbili ikiwa ni muendelezo wa ziara yake ya kusikiliza na kuzitatua kero mbalimbali za Wananchi.

Pia ametoa zuio kwa Wananchi waliopewa mavazi yenye picha ya Rais wa Jamhuri ya Muungano wa Tanzania Mhe. Samia Suluhu Hassan yakiwa yamehusishwa na jumbe zisizotambulika na Serikali kuacha kuvaa mavazi hayo mara moja na kusisitiza kuwa watakaobainika watachukuliwa hatua za kisheria.