WANANCHI WENGI WANAKOSA HAKI ZAO KWA KUTOFAHAMU SHERIA. NAOMBA MUENDELEE KUWAPATIA ELIMU WANARUFIJI ILI WAZIJUE HAKI ZAO:

Posted on: February 1st, 2021

Mkuu wa Wilaya ya Rufiji amesisitiza suala la utoaji wa elimu ya Sheria na Mahusiano baina ya Mahakama na Wananchi ili kujenga jamii yenye mafanikio. Ameeleza kuwa Wananchi wengi wanakosa haki zao kwasababu ya kutofahamu sheria." Wananchi wengi wanakosa haki zao kwa kutofahamu sheria. Pamoja na kuadhimisha siku ya Sheria Nchini inayokwenda sambamba na maadhimisho  miaka 100 ya Mahakama kuu Tanzania, ni vyema elimu ya sheria iendelea kutolewa ili kuleta tija kwa Wananchi wa Rufiji katika kutambua namna ya kudai au kutimiza Wajibu wao kisheria." Alisema.

Sawala ameyasema hayo katika maadhimisho ya siku ya Sheria na Miaka 100 ya Mahakama Kuu Tanzania iliyofanyika katika viwanja vya Mahakama ya Wilaya iliyopo Utete Wilayani Rufiji, huku akiwataka Viongozi kuanzia ngazi za Vitongoji kujitathimini juu ya utekelezaji wa majukumu yao katika kuhamasisha Wananchi wao kushiriki elimu ya Sheria iliyokuwa ikitolewa katika maeneo mbalimbali hususani kipindi Cha maadhimisho ya Wiki hiyo ya Sheria.

Aidha, amesisitiza suala la Mahakama kuendelea kujiepusha na Rushwa ili kutenda haki katika utoaji wa maamuzi ya kisheria kwa WananchiPia ametumia fursa hiyo kuwakumbusha Vijana wote Rufiji kuwa kipindi Cha ukaguzi wa Utekelezaji wa agizo la kila kijana kuwa na Shamba kuanzia hekari moja kimefika hivyo ataanza kwenda kukagua." Waambieni Vijana wasikimbie kwasababu ya kukaguliwa. " Alisema.

Sambamba na hilo amewataka Wananchi kuendelea kufanya kazi kwa bidii huku wakizingatia tahadhari dhidi ya ugonjwa wa Covid 19.

Kwa upande wake Hakimu Mkazi Mfawidhi Wilaya ya Rufiji Mheshimiwa Flora Mujaya ameeleza mafanikio ya Mahakama katika utoaji wa huduma bora kwa Wananchi ikiwemo upatikanaji wa taarifa za Mahakama, njia za upokeaji wa maoni pamoja na udhibiti wa tozo za ada za mawakili ili kuweka uwazi katika uendeshaji wa kesi.

Aidha ametaja Changamoto za Uchakavu wa Majengo ya Mahakama na kukatika kwa Umeme mara kwa Mara vimekuwa Changamoto kiutendaji

Pia ametoa Wito kwa Wananchi kuheshimu sheria na miongozo mbalimbali inayotolewa na Viongozi na ambayo ipo kisheria ili kuendelea kudumisha amani na maendeleo ya Taifa.