WANACHI RUFIJI WAPONGEZWA KWA KUJITOA KUCHANGIA MAENDELEO YA ELIMU

Posted on: October 1st, 2021

Pongezi hizo zimetolewa Jana Oktoba 1.2021 wakati wa makabidhiano ya Vyumba viwili vya madarasa, Ofisi, kisima Cha Maji pamoja na Matundu manne ya Vyoo yaliyofanywa katika Kitongoji Cha mpalange kata ya Umwe Wilayani Rufiji.

Akizungumza kwa niaba ya Mkurugenzi Mtendaji, Mgeni Rasmi katika Sherehe hiyo ya makabidhiano Tunsume Mwakipesile ambaye pia ni Afisa Elimu taaluma Msingi Wilaya ya Rufiji amewapongezaa Wananchi wa Kitongoji hicho kwa kujitoa kuchangia aridhi yenye hekari 25, matofali pamoja na nguvu kazi Jambo lililomsukuma mfadhili mwenye asili ya Ncho ya Korea kuchangia Ujenzi huo kwa zaidi ya Milioni 49.

Katika mapokezi ya Shule hiyo ambayo kwa Sasa ipo chini ya Halmashauri Tunsume alisema shule hiyo inatakiwa kuwa na madawati haraka ili watoto waanze kusoma kuepuka Changamoto ya umbali inayowakuta Sasa.Aidha aliendesha harambee ambapo jumla ya shilingi Milioni moja na laki moja zilipatikana mkononi pamoja na ahadi kiasi Cha shilingi laki mbili.

Ameelekeza fedha hizo zitumike kutengeneza madawati na kuhakikisha madawati hayo yanaoatikana ndani ya wakati ili watoto waanze kusoma shuleni hapo na kuahidi kuisajili shule hiyo ifikapo januari 2022.

Akitoa shukrani kwa niaba ya Wananchi, Diwani wa kata hiyo Mharami Mchambwa amemshukru mfadhili huyo na kueleza kuwa dhamira yake ni kuendelea kuongea na Wafadhili mbalimbali ili kuhakikisha anaboresha miundombinu ya Elimu katika Kata yake.