WAFUGAJI WATAKIWA KUVUNA MIFUGO KUJIAPATIA KIPATO NA KUPUNGUZA MIGOGORO KATI YAO NA WAKULIMA

Posted on: September 19th, 2021

Naibu Waziri wa Mifugo na Uvuvi, Abdallah Ulega amewataka Wafugaji kuweka Utaratibu maalum wa uvunnaji wa Mifugo ili kujipatia kipato na kupunguza migogoro Kati Yao na Wakulima.

Ameyasema hayo wakati akizungumza na Wakulima na Wafugaji Ikwiriri Wilayani Rufiji Mara baada ya kutembelea maeneo yenye migogoro mikubwa ya Wakulima na Wafugaji Kijiji Cha Chumbi C kata ya Chumbi pamoja na maeneo ya Hilu kitongoji Cha Shauri Moyo kilichopo Kijiji Cha Nyamwage Kata ya Mbwara Wilayani humo.

Akijibu kero za Wakulima na Wafugaji Ulega amesema, anaunga Mkono jitihada za Mkuu wa Wilaya ya Rufiji Edward Gowele juu ya hatua aliyochukua kufanya sensa ya Mifugo Wilaya nzima na kuchagua baadhi ya maeneo maalum ya Mifugo yaliyopo Utete na Chemchem na kuahidi kupeleka Majosho mawili katika maeneo hayo huku akisisitiza Ushirikiano na kutoa taarifa sahihi wakati wa sensa hiyo.

Ulega ameagiza bkutengwa kwa njia za Mifugo ili kuepusha Mifugo kupita katika maeneo ya Mashamba.Aidha amesisitiza kuwa maeneo yaliyotengwa katika mpango kuwa ni ya Wafugaji Wakulima wayaachie na yale yalitengwa kwaajili ya Kilimo Wafugaji wayaachie.

Pia aameahidi kutuma timu maalum ya Wataalamu toka Wizarani ili kuweza kutoa msaada wa utatuzi wa migogoro iliyopo hasa kipindi hiki Cha kiangazi.