WAFANYABIASHARA USO KWA USO NA DC SAWALA

Posted on: August 27th, 2020

Mkuu wa Wilaya ya Rufiji Mh. Luteni Kanali  Patrick K. Sawala, leo amekutana na WafanyaBiashara wa ndani ya Wilaya ya Rufiji na kujadili kwa kina namna ya kutatua changamoto na kuibua fursa za uwekezaji ndani ya Wilaya ya Rufiji. Akizungumza na Wafanyabiashara hao, Mh. Sawala amewataka wafanyabiashara hao kufikiria kufanya biashara zaidi ya wanazofanya ili kuongeza kipato chao na mapato kwa halamshauri. " Mkipata mapato zaidi halmashauri itakusanya zaidi, na huduma kwa jamii zitakuwa bora zaidi." Alisema. akiongezea katika swala hilo Mh. Sawala amewataka wawekezaji kuwekeza zaidi kwenye kilimo kwani maeneo ya kulima yapo ya kutosha na maji ya mto yapo ya kutosha." hainiingii akilini Rufiji tuna mto, tuna ardhi ya kutosha na tuna mabwawa lakini tunashindwa kulisha Dar es salaam.

Aidha, katika kipengele cha majadiliano wafanya biashara wamependekeza, Kuundwa kwa baraza la biashara Wilaya, halmashauri kutoa fursa za biashara kwa wazawa kwanza, kutolewa kwa Elimu ya kilimo biashara kwa sekta ya kilimo na kuhamasisha wakulima kuacha kilimo cha mazoea, Upatikanaji wa mitaji kwa kuwepo mabenki ya kuwakopesha wakulima, Kuanzisha ufugaji wa samaki katika mabwawa takribani saba yaliyopo Rufiji, kuanzishwa kwa maeneo rasmi ya machinjio - Ikwiriri. Akitolea ufafanuzi baadhi ya mapendekezo Mh. Sawala amesema mengi ameanza kuyanyia kazi tayari likiwemo swala la kupata Wataalam kwaajili ya Elimu na Tafiti, Vikao vya maboresho kwa vyama vya msingi, na barabara likiwemo daraja la mohoro. Akifunga Mkutano huo Mh. Sawala aliwapongeza wafanyabiasha kwa kutoa changamoton na masuluhisho badala ya kulalamika pekee. "Nimefarijika sana kuona wengi mmetoa changamoto na kupendekeza masuluhisho. Nimefarijika sana,. Tukipunguza maneno tukatenda zaidi Rufiji yetu itafika mbali sana." Alisema.