WAFANYABIASHARA 6 IKWIRIRI WACHANGIA MADAWATI 25 KUUNGA MKONO SERIKALI

Posted on: November 10th, 2020

Mkuu wa Wilaya Rufiji Mhe. Luteni Kanali Patrick Sawala amepokea madawati 25 toka kwa Wafanyabiashara sita wa Ikwiriri kata ya Umwe Wilayani Rufiji.

Akizungumza wakati wa hafla fupi ya kukabidhiwa madawati hayo Mhe. Sawala amewapongeza Wafanya biashara hao kwa  Moyo wa Kizalendo kwa kutumia sehemu ya kipato chao kuchangia maendeleo ya elimu kwa watoto wa Rufiji na kuwaomba wadau wengine kuendelea kuunga mkono juhudi za Serikali ngazi ya Wilaya ili kuhakikisha Watoto wa Rufiji Wanansoma katika mazingira Bora.

Aidha amewapongeza wananchi kwa kushiriki Uchaguzi katika hali ya amani na Utulivu na kuwaomba waendelee kutunza amani hiyo ili kupata fursa ya kujikita katika shughuli za kimaendeleo .

Pia ametumia fursa hiyo kumpongeza Afisa tarafa wa Tarafa ya Ikwiriri Ndg. Nsajigwa Fredy Mwandi kwa jitihada kubwa za kuhakikisha Mifugo yote inahama maeneo ya Mjini na kwenda katika maeneo maalum yaliyotengwa kwa mifugo.

Kwa upende wake Kaimu Mkurugenzi wa Halmashauri ya Wilaya ya Rufiji Ndg. Geriad Mugoba amewapongeza Wafanayabiashara hao na kueleza hataua inayofuata ambayo ni maboresho ya miundombinu ikiwa ni pamoja na ujenzi wa Vyumba vya madarasa.

Akizungumza wakati wa kukabidhi Mwenyekiti wa Wafanyabiashara hao Niko salum lijangandondo amesema wameguswa kuchangia kutokana na hamasa kubwa ya Uchangiaji aliyofanywa na Mkuu wa Wilaya. katika kusimamia na kuhakikisha Halmashauri pamoja na Wadau wengine wanaweka nguvu kwenye madawati  kwa shule za msingi na Sekondari na kumaliza changamoto ya Wanafunzi  kukaa chini.