UTETE-KINGUPIRA YAANZA KUSAFISHWA KUJENGWA KWA TABAKA GUMU

Posted on: July 22nd, 2024

Barabara ya Utete-Kingupira  inajengwa kwa kiwango cha tabaka gumu kwa urefu wa kilomita 32 kwa thamani ya shilingi bil 4.7 ambayo itadumu kwa muda mrefu bila ya matengenezo ya mara kwa mara (kila mwaka), hali itakayosaidia kurahisisha mawasiliano ya barabara kwa Wananchi wa Kata ya Ngarambe kupata huduma kwa haraka katika makao makuu ya Wilaya yaliyopo Utete, ambapo Mkandarasi yupo eneo la kazi kwa kuanza kuisafisha

Akizungumza katika mahojiano binafsi ofisini kwake, Kaimu Meneja wa Wakala wa Barabara za Mijini na Vijijini (TARURA) Wilaya ya Rufiji Mhandisi Nilocaus Ludigery, amesema mwaka 2023/2024 walipokea fedha kwa ajili ya matengenezo ya barabara hiyo ambayo ilikuwa inasumbua kwa muda mrefu hasa kipindi cha mvua nyingi.

“tunafanya matengenezo ya barabara ya Utete-Kingupira yenye urefu wa kilomita 32 kwa thamani ya shilingi bilioni 4.7” alisema Ludigery.

Ludigery alisema Wilaya ya Rufiji ina mtandao wa barabara wa kilomita 523.51 ambapo kwa mwaka wa fedha 2023/2024 Wilaya ya Rufiji ilikuwa na bajeti ya bilioni 2.1

“lakini pia tulipata fedha za dharula kwa ajili ya kukabiliana na mafuriko yaliyotokea mwaka 2024 , tulikuwa na matengenezo ya kawaida na maeneo korofi yenye thamani ya shilingi bilioni 2.2, kwa bajeti hiyo tuliweza kutekeleza km 186.69, lakini pia imefanya kuongeza barabara za changarawe kwa km 10” aliongeza.

Kufuatia ujenzi wa barabara hiyo inayojengwa na kampuni ya NSRT, baadhi ya Wananchi wameeleza hisia zao ya jinsi kukamilika kwa ujenzi wa barabara hiyo itakavyorahisisha mawasiliano huku wakiishukuru Serikali kwa jinsi ilivyoiona barabara hiyo na kuitengea fedha ya jinsi kukamilika kwa ujenzi wa barabara hiyo itakavyorahisisha mawasiliano.

Fadhili mbale ambaye ni Mkazi wa Utete anayenufaika kwa kupata kazi katika usafishaji wa barabara hiyo amesema anaona namna Serikali inavyoboresha miundombinu ya barabara ambayo ilikuwa kero kwa Wananchi wa Ngarambe kuja Utete ambako kuna hospitali ya Wilaya.

“tunaona uboreshaji wa miundombinu, kwasababu miundombinu itakavyokuwa bora na services (huduma) zingine zitapatikana. Tunashukuru Mungu viajira vimetokea familia zinanufaika na tunaona uboreshaji wa miundombinu” alisema Mbale huku akiwa anafanya kazi ya kusafisha barabara.

Kwa upande wake Mkandarasi wa ujenzi wa barabara hiyo Bw. Filbert amewaondoa wasiwasi Wananchi ambao watakuwa wanaitumia barabara hiyo kuwa itadumu kwa muda mrefu bila ya kufanyiwa marekebishi ya mara kwa mara, kwakuwa inatengenezwa kwa tabaka gumu.

“ni tabaka gumu ambalo linatengenezwa kwa changarawe ikichanganywa na kimiminika ambacho kinaimarisha udingo kubeba mzigo mzito (stablelized layer), ni tabaka gumu ambalo litaifanya hii barabara ipikike kwa muda Mrefu na nitabaka ambalo halimomonyoki kiurahisi kwahiyo barabara itadumu na itabeba mizigo mikubwa” alisema Mkandarasi.

Mwananchi Mwingine Lida Mayonga Mkazi wa Kata ya Ngarambe ambaye alizungumza baada ya gari ya abiria aliyopanda kunasa kwenye mchanga wakati wa usafishaji wa barabara hiyo ukiwa unaendelea, alisema kukamilika kwa barabara hiyo itasaidia hasa kupunguza gharama za usafiri kwa kwa sasa wanalazimika kulipa 10,000 kwa usafiri wa gari huku pikipiki ikiwa elfu 25,000 na kurahisisha mawasiliano ya kufika kwa wepesi katika hospitali ya Wilaya na kupata huduma.

“yaani changamoto gari utakuta imenasa njiani barabara mbovu, ukiangalia Utete kwenda Ngarambe ni kilometa chache sana lakini nauli tunalipishwa kubwa, tunalipa shilingi 10000 iwe Mtoto au Mkubwa, kwa Pikipiki elfu 25,000” alisema.

Amesema kabla ya kuanza kwa usafishaji wa barabara hiyo hali ilikuwa sio nzuri kwakuwa ilikuwa na mashimo makubwa ambayo huwa yanasababishwa na mvua zinazonyesha kila msimu.

Kutokana na hatua hiyo Mwananchi mwingine ameishukuru Serikali kuijenga barabara hiyo tabaka gumu ambalo litadumu kwa muda mrefu. “kwasababu inawekwa tabaka gumu sisi tunashukuru, kwasababu miundombinu ndo inatakiwa kwasababu ndo kila kitu, huduma kiwa nzuri hata sisis tunapata kwenda Wilayani kwa wakati” alisema Abed Alembene Mkazi wa Ngarambe.