TUFIKIRIE SANA NJE YA BOKSI: Mhe. Lt. Col. Patrick Sawala Mkuu wa Wilaya ya Rufiji

Posted on: April 19th, 2021

.Na. Emmanuel Kapandila - Rufiji

Mkuu wa Wilaya ya Rufiji Lt. Col. Patrick Sawala amewataka watekelezaji wa Mpango wa kunusuru kaya masikini kipindi Cha pili awamu ya tatu kufikiri zaidi katika kukabiliana na kutatua Changamoto ili kufanikisha mpango huo Kama ilivyokusudiwa.Ameyasema hayo mapema Leo tarehe 19/04/2021 alipokuwa akizindua mpango huo katika Ukumbi wa Halmashauri uliopo Utete Wilayani Rufiji." Tufikirie nje ya boksi, tunapoendelea kutekeleza mpango huu wa TASAF kipindi Cha pili awamu ya tatu." Alisema.Amewataka madiwani kushiriki kikamilifu katika kuhakikisha Wananchi wanapata Elimu ya kutosha juu ya mpango ili kuondoa malalamiko ya Mara kwa Mara hususani yale ambayo yanahitaji Elimu au taarifa sahihi na kwa wakati.Katika hatua nyingine amemtaka Mkurugenzi wa Halmashauri kutoa taarifa ya Vitambulisho vya Wajasiriamali 674 ambavyo havikurejeshwa na fedha yake haijulikani ilipo kufikia ijumaa wiki hii.Kwa upande wake Katibu Tawala Wilaya Bi . Maria Katemana amesema Uadilifu, ushirikiano na kujituma ndio nyenzo zitakazopelekea ufanisi katika utekelezaji wa mpango huo.Naye Mwenyekiti wa Halmashauri Mhe. Juma Ligomba amesema atasimamia vyema maelekezo yaliyotolewa kwa kushirikiana na Mkurugenzi Mtendaji huku akitoa rai kwa Wajumbe juu uhamasishaji wa kilimo Cha zao la mhogo ambalo kwa Sasa soko lake litakuwa kwa kasi kufuatia mpango wa ujenzi wa kiwanda kikubwa Cha mihogo Kinachotarajiwa kujengwa Chalinze Mkoani Pwani.