TATHMINI YA UTEKELEZAJI MKATABA WA LISHE - CHAKULA SHULENI HALMASHAURI YAPONGEZWA.

Posted on: February 4th, 2023

Kikao cha tathmini ya Mkataba wa lishe kilichofanyika januari 4. 2023 katika ukumbi wa Halmashauri kimeibuka na ajenda ya kudumu kuhamasisha Wazazi kuhakikisha Watoto wanapata chakula Shuleni ili kuimarisha Afya na utulivu wa akili wa watoto wawapo shuleni.

Akizungumza wakati wa kikao hicho Mkurugenzi Mtendaji wa Halmashauri ya Wilaya ya Rufiji amesema Halmashauri ya Wilaya ya Rufiji tayari imetoa mfano kwa kuwashika mkono Wazazi na kuchangia chakula mashuleni huku akiwataka Wazazi kushikamana kuhakikisha chakula ambacho watoto wangekula nyumbani shea yao waipate wawaposhuleni ili kuongeza uwezo wa kusikiliza na kupokea vizuri masomo.

Wakitia taarifa ya utekelezaji wa upatikanaji wa chakula shuleni, Watendaji wa Kata wameeleza kufankiwa kufanya vikao vya makubaliano na wazazi ambapo wazazi katika shule nyingi wamekubaliana na kuanza utekelezaji wa uchangiaji chakula mashuleni huku wakibainisha uwepo wa Wazazi wachahe ambao bado wamekuwa wagumu kutekeleza makubaliano kwa kisingizio cha kukosa uwezo wa kuchangia.

Akifunga kikao kwa niaba ya Mwenyekiti wa kikao hicho Afisa Tarafa wa Tarafa ya Mohoro Richard Mwalingo ameipongeza Halmashauri ya Wilaya ya Rufiji kwa kutenga fedha na kuhakikisha fedha zote zilizotengwa kwa shughuli za lishe zinatolewa kwa asilimia mia moja.