SERIKALI YATOA SH. MIL. 145,205,225 KUSAIDIA WATU 1843 KAYA MASIKINI

Posted on: September 24th, 2020

Katibu Tawala Wilaya ya Rufiji Bi. Maria Katemana leo amemuwakilisha Mkuu wa Wilaya kutembelea na kukagua zoezi la utoaji wa fedha zilizotolewa na Serikali kupitia TASAF ili kusaidia kaya masikini ziweze kujikimu kiuchumi.
Akizungumza na wanufaika wa mradi huo katika Kijiji cha Kiwili kata ya Utete Katibu Tawala amewataka wananchi hao kutumia fedha wanazopewa kutimiza malengo waliyobainisha  ili kupiga hatua na kuboresha hali zao za kiuchumi." Ninatumaini kuwa fedha hizi zitaenda kubersha miradi mliyoianzisha kama mlivyosema kuwa mmeanzisha ufugaji wa kuku, kilimo na kupeleka watoto shuleni". Alisema.
Kwa upande wake Mratibu wa TASAF Wilaya Ndg. Lamudi Ngaruburwa amesema zoezi hili limefanyika kwa muda wa siku mbili juma tano na alhamisi kufikia walengwa 1843 ambao waliwekwa kwenye mpango. " Huu ni muendelezo wa mpango uliozinduliwa na Mtukufu Rais wetu Mh. John Pombe Magufuli akiwa na lengo la kuinua hali ngumu ya Watu wenye kipato cha chini. Zoezi hili ni endelevu na Mara baada ya Uchaguzi tutakuwa tumefikia watu wote walikosa pesa kwasababu ya kutohakikiwa.
Aidha zoezi hilo lilikwenda sambamba na utoaji wa elimu ya Lishe bora ili kupunguza tatizo la udumavu kwa watoto. Akitoa elimu hiyo, Mratibu wa Lishe Wilaya ya Rufiji Bi. Mwanahamisi amewaelimisha wananchi juu ya umuhimu wa kuzingatia makundi matano ya chakula badala ya kula vyakula vingi vyenye kundi moja la chakula. 
Naye Mwenyekiti wa Kijiji pamoja na Wanufaika wameishukuru Serikali kwa kujali Wananchi Wanyonge na kuwainua kwani kwa kufanya hivyo kumeondoa kabisa matabaka na ugumu wa maisha katika jamii zao.# HABARI NA KITENGO CHA TEHAMA - RUFIJI