RUFIJI YAANZA UTEKELEZAJI WA MIRADI YA MPANGO WA USTAWI WA TAIFA

Posted on: October 29th, 2021

Mkuu wa Wilaya ya Rufiji Meja Edward Gowele amewataka Wasimamizi na watekelezaji wa miradi ya mpango wa maendeleo ya ustawi wa Taifa na mapambano dhidi ya Uviko 19 kufanyakazi kwa uaminifu, uadilifu na kwa bidii ili wananchi waone matunda ya jitihada za Mhe. Rais katika kuwaletea maendelo Wananchi wake.

Meja Gowele ameyasema hayo katika kikao na Wakuu wa Idara na Vitengo, Wakuu wa Shule, Wilimu  Wakuu, Waratibu wa Elimu, Watendaji wa Kata na Vjiji katika kikao cha Mpango kazi wa Utekelezaji wa miradihiyo ngazi ya Wilaya.

“ kama utaingiza mkono kwenye hizi fedha kinyume na makubaliano tuliyoyanya hapa basi atanisamehe”. Alisema

Aidha amesisitiza uendelezwaji wa miradi mingine ya maendeleo iliyokuwa inaendelea ili ikamilike kwa wakati kama ambavyo imepangwa.

Kwa upande wake, Mwenyekiti wa Halmashauri Juma Ligomba amewataka walezi wlioteuliwa kusimamia na kufuatilia miradi hiyo kila kata kufanya kwa kujitoa ili kuongeza ufanisi wa Utekelzaji.

Ligomba amewsisitiza wasimamizi kuzingatia mafundi wawajibikaji na kutosita kumuondoa fundi atakayeonekana kuchelewesha miradi hiyo.

Naye Mkurugenzi Mtendaji John Lipesi Kayombo amesema Halmashauri imejipanga na kuwa itaendelea kupeleka fedha za miradi ya maendeleo kwa Wananchi kupitia mapato ya ndani kila zinapokusanywa.

“ tukasimamie kwa uadilifu, nitafuatilia mwenendo wa miradi hii kila siku. Miradi itakuja mingi hivyo tuwetayari kuwajibika.” Alisema kayombo