RUFIJI INAHITAJI MSAADA WA CHAKULA NA MAVAZI

Posted on: April 10th, 2024

Makamu Mwenyekiti wa Chama cha Mapinduzi CCM bara, Abdulrahman Kinana, amefanya ziara ya kutembelea na kujionea hali halisi ya namna Wananchi wa Rufiji walivyoathirika na Mafuriko.

Kinana amefanya ziara hiyo ya kuwapa pole Wananchi wa Rufiji  leo April 9, 2024 katika Kata ya Mohoro na Chumbi ambapo amefanya mkutano wa hadhara katika Kijiji cha Chumbi na kusisitiza kuwa Rufiji inahitaji msaada wa haraka.

"rufiji inahitaji msaada wa haraka, naihimiza serikali kutoa huduma kwa wananchi waliopatwa na Maafa, nyumba zimezama na mazao ya mazama" alisema Kinana.

"kinachotakiwa ni huduma na huduma ya kwanza ni makazi na huduma ya pili ni chakula wale ambao wamepoteza chakula, ni wajibu wa serikali kiwaangalia Wananchi wake"aliongeza.

Kinana ametoa wito kwa Watanzania wote  popote walipo, kuungana na kutoa msaada kwa Wananchi wa Rufiji.

Awali Mkuu wa Mkoa wa Pwani Abubakari Kunenge ameishukuru serikali kwa kutoa msaada walioutoa  katika Wilaya ya Rufiji na Kibiti  lakini bado mahitaji ni makubwa kulinganisha na msaada uliotolewa mpaka sasa.

"tunaishukuru serikali kwa kutupatia msaada lakini mahitaji bado ni makubwa, tunahitaji msaada wa haraka"alisema Kunenge.