RC KUNENGE: SERIKALI INATHAMINI MICHANGO YA WAFANYAKAZI KATIKA KULETA MAENDELEO

Posted on: May 1st, 2024

Mkuu wa Mkoa wa Pwani Mhe. Abubakar Kunenge amesema Serikali inathamini michango ya Wafanyakazi katika kuliletea Taifa maendeleo.

"Serikali inathamini michango ya  Wafanyakazi katika kuletea Taifa maendeleo" alisema.

Kunenge aliyasema hayo jana Mei 1, 2024  wakati akihutubia katika maadhimisho  ya Sikukuu ya Wafanyakazi  Mei Mosi  yaliyofanyika Kimkoa Wilayani Kibiti.

Ameeleza kuwa wafanyakazi wamekuwa wakifanya kazi za ziada zenye tija  zaidi ya zile walizopangiwa kufanya.  "Kazi nyingi za ziada wanafanya kwa uzalendo wao na ndizo zenye tija" amesema Kunenge.

Ameeleza kuwa Rais Dkt Samia anawapenda na kuwathamini sana Wafanyakazi wa mkoa wa Pwani, "Mhe Rais anangalia namna gani anaongeza uwezo wa serikali kuboresha mazingira ya kazi nchini ikiwa ni pamoja na kuboresha mazingira ya shule ambazo watoto wanasoma, sekta ya afya na tayari ameahidi kuboresha makazi ya Wafanyakazi katika sekta ya elimu na afya" amesema Kunenge.

"Walimu mpate nyumba, Watu wa afya mpate nyumba na sehemu zingine tumeshaanza lakini wanasema unashona koti kulingana na ukubwa wa kitambaa ulichonacho huwezi kufanya mambo kama uwezo bado ni mdogo." Alisema Kunenge.

Alisema serikali inafahamu kazi kubwa inayofanywa na Wafanyakazi wa sekta, idara na Taasisi mbalimbali katika kuhudumia Wananchi na kumsaidia kazi Rais mkoani humo.

Hatahivyo Kunenge aliwataka Wafanyakazi mkoa wa Pwani kufanya kazi kwa bidii ilikuongeza tija katika utendaji kazi wao kwa Wananchi ili kuboresha maisha ya Wananchi mkoani Pwani.

Aidha aliwataka kuzungumzia kazi nzuri anazofanya Rais Dkt Samia katika kuhudumia Wananchi nchini "mnapopata nafasi semeni mazuri yanayofanywa na serikali ya awamu ya sita inayoongozwa na Rais Dkt Samia Suluhu Hassan ambaye anawapenda na kuwajali Wafanyakazi nchini kwani anawahakikishia usalama, haki za Wafanyakazi kazini

Akizungumzia changamoto mbalimbali walizoziwasilisha kupitia risala ya Wafanyakazi Mkuu huyo wa mkoa wa Pwani alisema Kuna masuala mengi tayari yanafanyiwa kazi ikiwemo  suala la kikokotoo cha wastaafu.

Awali Mwenyekiti wa Shirikisho la Vyama vya Wafanyakazi Tanzania TUCTA mkoa wa Pwani Kinyogoli Ramadhani ameomba serikali kuangalia namna ya kusaidia usafiri wa uhakika kwa Walimu wanaofundisha katika Shule za maeneo ya Kata za Delta ambako kutoka sehemu Moja kwenda nyingine hutumia