MKURABITA KULETA TUMAINI JIPYA KWA WAKULIMA

Posted on: January 25th, 2022

Na Emmanuel Kapandila - Rufiji
Mkuu wa Wilaya ya Rufiji Meja Edward Gowele ameishukuru Serikali ya awamu ya sita kwa kuanza kutekeleza mpango wa kurasimisha rasilimali na biashara za wanyonge Tanzania (MKURABITA) na kueleza kuwa utekelezaji wa mpango huo unaleta tumaini jipya la mafanikio kwa wakulima.
Meja Gowele ameyasema hayo leo januari 25. 2022 katika uzinduzi wa mafunzo maalum kwa Wakulima waliofanyiwa zoezi la urasimishaji katika Kijiji cha cha Nyamwage Kata ya Mbwara Wilayani Rufiji.
" niishukuru na kuipongeza serikali ya awamu ya sita kwa kuleta mpango huu ambao utaenda kuinua uchumi wa wakulima kwa kutumia rasilimali aridhi kujiinua kichumi hasa kupitia mabenki." alisema Gowele
awali akitoa utangulizi wa mpango huo, zoezi la urasimishaji lilifanyika kwa Kijiji cha kilimani mashariki pamoja na kijiji cha nyamwage ambapo wakulima wa vijiji vyote viwili watapatiwa mafunzo. ameoneza kuwa mpango huo unalenga kuwawezesha wakulima hao kutumia rasilimali ardhi waweze kujikwamua kichumi kwa kufanya kilimo biashara na kuongeza tija katika uzalishaji.
Kwa upande wake Mwenyekiti wa Kijiji cha Nyamwage ameishukuru serikali kwa mpango na mafunzo hayo kwani wakulima wengi wamekuwa na changamoto ya kukosa mitaji na elimu ya kilimo chenye tija changamoto ambazo zinaenda kumalizwa kupitia mpango huo.