MIRADI YA UJENZI WA MADARASA MSINGI NA SEKONDARI YATAKIWA KUKAMILIKA IFIKAPO 15/12/2020

Posted on: December 3rd, 2020

Mkuu wa Wilaya ya Rufiji Luteni Kanali Patrick Sawala amefanya ziara ya ukaguzi wa miradi ya ujenzi katika Shule za Msingi na Sekondari na kuzitaka kamati za Ujenzi kukamilisha Ujenzi huo ifikapo tarehe 15/12/2020 ili yaanze kutumika ifikapo januari 2021.

Sawala amaeanza ukaguzi kwa Shule nne ikiwepo Shule ya Msingi Umwe yenye mradi wa Shilingi milioni 46.6 , milioni 40 kwaajili ya vyumba viwili vya madarasa na milioni 6.6 matundu sita ya vyoo. Shule ya Msingi Kikongono nayo imepewa jumla ya Shilingi Milioni 48.8, Milioni 40 ujenzi wa vyumba viwili vya madarasa na milioni 8.8 ujenzi wa matundu 8 ya vyoo.

Shule ya Msingi Kipo Mashariki imepewa jumla ya Shilingi Milioni 64.4, milioni 60 ujenzi wa vyumba vitatu vya madarasa na milioni 4.4 matundu manne ya vyoo.

Akizungumza na Viongozi pamoja na kamati za Ujenzi Sawala amewataka Viongozi hao kuhakikisha ujenzi unakwenda sambamba na utengenezaji wa madirisha pamoja na samani za madarasani yakiwemo madawati ili vitu vyote vikamilike kwa pamoja na kwa wakati. " hakikisheni kazi zote zinagawanywa na kufanyika kwa wakati mmoja ( concurrently) ili vitu vyote vikamilike kwa pamoja. tarehe 15 nitarudi tena nikute miradi imekamilika." alisema.

Aidha amewasisitiza mafundi kufanyakazi kwa Weledi na kwa ubora wa hali ya juu ili kujenga uaminifu na Serikali na kujiwekea uhakika wa kupewa miradi mingine. sambamba na hilo ametoa rai kwa wasimamizi wa miradi hiyo kuhakikisha fedha zilizoleta zinatisheleza na sio kupungua na kushindwa kukamilisha miradi Sitaki kusikia stori za Rufiji kutokamilisha miradi fedha zilizoletwa ni nyingi na zinatosha kukamilisha miradi yote Kama ilivyopangwa."

Pia ametoa pongezi kwa ubunifu wa kuongeza chumba Cha Ofisi kwa kila mradi wa madarasa katika kila shule aliyotembelea na kuita ubunifu huo kuwa ni ubunifu wa kizalendo." huo ni Uzalendo wa kuigwa wengine wangebania fedha na kuzitumia vinginevyo lakini ninyi mmeona mjenge Ofisi nawapongeza Sana" alisema.

Sawala alihitimisha ziara yake katika Shule ya Sekondari Ngorongo ambapo alikagua mradi wa ujenzi wa bweni kwaajili ya wasichana mradi ambao unathamani ya kiasi chaShilingi Milioni 80.