MAFUNDI WA MIRADI YA MAENDELEO KUSAINI MIKATABA MAALUM NA HALMASHAURI

Posted on: October 8th, 2021

Leo Oktoba 8. 2021 Mwenyekiti wa Halmashauri Mhe. Juma Ligomba amesimamia zoezi la utiaji saini wa mikataba ya Ujenzi Kati ya Mafundi pamoja na Halmashauri kwa lengo la kuongeza ufanisi katika Utekelezaji wa Miradi hiyo ya Maendeleo kwa Kasi, Viwango, na ubunifu.

Akizungumza baada ya majadiliano ya kuwajengea uwezo Mafundi kupitia mikataba hiyo, Mhe. Ligomba amewataka Mafundi nitekeleza makubakubaliano waliyoingia na Halmashauri huku akitoa msisitizo kwa upande wa Halmashauri kuhakikisha mahitaji yote ya vifaa vya mradi kwa mujibu wa mkataba yanatekelezeka kwa wakati.

" Pande zote mbili zikitekeleza wajibu wake miradi itakamilika kwa wakati na kwaa ufanisi Mkubwa."Alisema

Aidha Mhe. Ligomba amemtaka Mkurugenzi Mtendaji wa Halmashauri kuhakikisha kuwa miradi inayotekelezwa inakuza uchumi wa Wananchi ndani ya Halmashauri kwanza.Ligomba amesema kwa Mwaka 2021/2022 Halmashauri itajenga vyumba vya Madarasa zaidi ya 40 kwa Shule za Sekondari kumaliza tatizo la upungufu wa Madarasa kwa Wanafunzi wa kidato Cha kwanza 2022 na kuwa utekelezaji wa mpango huo tayari umeanza.

Kwa upande wake Kaimu Mkurugenzi Mtendaji wa Halmashauri Edward Mwamotela amewataka Mafundi kuondoa mashaka katika Utekelezaji wa Mikataba hiyo na kuwa kamwe wasikubali kuendelea kujenga iwapo watagundua kuwa vifaa walivyoletewa kwa Ujenzi viko chini ya kiwango.Mwamotela ameongeza kuwa Mkakati wa Halmashauri kwa Sasa ni kuanza kutambua Mafundi wanaofanyakazi Vizuri ili kuwaweka kwenye mfumo ambao utawafanya Mafundi hao wenye ufanisi wanaotoka Rufiji wanapewa kipaumbele kupewa kazi za utekelezaji wa miradi ya Serikali.

Kwa upande wao Mafundi, wameiomba Halmashauri kuhakikisha inaweka Utaratibu mzuri wa malipo ili wapate malipo yao kwa wakati.