KILIMO CHA UMWAGILIAJI RUFIJI KINALIPA!

Posted on: September 14th, 2020

NINATARAJIA KUPATA TAKRIBANI ZAIDI YA  SHILINGI MILIONI TATU KWA HEKARI MOJA YA MATIKITI NILIYOPANDA . Ndg.Seif Mohamed Mgumba- Mkulima wa Kilimo cha Umwagiliaji Rufiji. Akizungumza na Timu ya wataalamu wa Kilimo Wilaya waliokwenda kumtembelea shambani kwake leo kutazama maendeleo ya kazi yake na kumpatia Ushauri wa kitaalamu.

 Aidha Mkulima huyo ambaye analima mazao mbalimbali ya Mbogamboga na matunda kama vile matikiti, amewasihi Vijana wa Rufiji kuacha tabia ya kwenda shambani kwa lengo la kujaribu na kuondoka bila ujuzi badala yakewajikite katika kuwekeza kwenye Kilimo kwani Mtaji sio shida kama mtu anania ya kufanya Kilimo. " Mimi nimelima matikiti maji na kwa muda wa siku tisini nitapata zaidi ya shilingi milioni tatu kwani katika hekari hii moja nimepanda matikiti elfu tatu na ninatarajia kila tikiti kuliuza shilingi elfu moja.

 Timu ya wataalamu iliyoongozwa na Bw. Geriad I. Mgoba imemsifu Mkulima huyo kwaa jitihada na kumpatia Ushauri katika uboreshaji wa kazi yake. Aidha imemsisitiza Mkulima huyo kuendelea kuhamasisha Vijana wa Rufiji kujifunza Kilimo na kufanya uwekezaji." Wewe ni Zao la Kambi ya Kilimo Mkongo, tafadhali nawe zalisha wengine" alisema.