KAYOMBO KUZUIA UVUJAJI WA MAPATO

Posted on: November 15th, 2021

Mkurugenzi Mtendaji wa Halmashauri ya Wilaya ya Rufiji John Lipesi Kayombo amewataka Wakuu wa Idara zinazohussika na ukusanyaji wa mapato kuhakikisha zinatumia mifumo ya Serikali ya ukusanyaji wa mapato ipasavyo ili kuzuia uvujaji wa mapato hayo.

Ameyasema hayo Novemba 15.2021 katika kikao kazi cha Robo ya Kwanza Cha  Idara zote za Halmashauri Wilayani humo.

" Wilaya yetu imeshika nafasi ya tatu Kitaifa katika kwa kupeleka fedha nyingi  za maendeleo kwa Wananch kwa kipindi Cha robo ya kwanza katika Mwaka wa fedha 2021/2022. Hii ni kutokana na ukusanyaji nzuri wa fedha za mapato ya ndani. Twendeni tukaongeze Kasi ya ukusanyaji kwa kutumia Vizuri mifumo ya serikali ya ukusanyaji wa mapato ili tuongeze kasi katika kuwaletea maendeleo Wanarufiji." Alisema.
Akijibu kero za watumishi, amewataka Wakuu wa Idara kuhakikisha Wanaweka mpango wa kulipa madeni kwa Watumishi wanaodai stahiki zao zikiwemo za uhamisho na majukumu mengine ili kuondoa malalamiko yasiyo ya lazima. " Tunapolipa tusijiangalie sisi tu, tuwaangalie na wasaidizi wetu." Alisema.

Kwa upande wa Afya Kayombo amesema Halmashauri imetenga fedha kwaajili ya uboreshaji wa mifumo ya ukusanyaji wa mapato katika maeneo yote yanayotoa huduma za Afya ambapo tayari utekelezaji umeanza kwa Hospitali ya Wilaya na kituo Cha Afya Ikwiriri.