ILI TUENDELEE KUSONGA MBELE NI LAZIMA TUTUMIE TEKINOLOJIA YA HABARI NA MAWASILIANO

Posted on: August 14th, 2021

Kiongozi wa Mbio Maalum za Mwenge wa Uhuru Kitaifa Luteni Josephine Mbambashi ameitaka jamii kutambua matumizi sahihi ya TEHAMA ili kuleta Chachu ya Maendeleo katika Jamii na Taifa kwa ujumla.
"TEHAMA ni lazima tuitumie kwa usahihi na uwajibikaji.  Tunasisitizwa haya kutokana na wimbi kubwa la wizi wa kimtandao, uchochezi, kusambaa kwa habari za uongo, lakini pia mmomonyoko wa maadili hasa kwa Vijana. Kwahiyo tinaendelea kusisitizwa na Mbio za Mwenge wetu wa Uhuru kutumia tekinolojia hii kwa usahihi ili kuleta maendeleo." Amesema.
Kwa upande wake Waziri wa Nchi Utumishi na Utawala bora na Mbunge wa Jimbo la Rufiji Mhe. Mohamed Mchengerwa amesema Serikali imejipanga kutumia TEHAMA kwa kuanzisha mifumo mbalimbali huku akiitaka TAKUKURU Nchi nzima kuhakikisha fedha za miradi inayotolewa na Serikali zinatumika kwa usahihi ili kuleta maendeleo.
Naye Mkuu wa Wilaya ya Rufiji Meja Edward Gowelle amesema Mwenge huo umetembea kuzungukia miradi umbali wa kilometa 105.2 mambapo jumla ya miradi yote sita yenye thamani ya kiasi Cha shilingi milioni miatano sabini na moja( M 571).
Aidha Mhe. Gowelle amesema kuwa katika kupambana na Rushwa amemteua Mzee Mpili kuwa balozi atakaye toa msaada Mkubwa katika kuhamasisha Jamii kukataa kutoa na kupokea Rushwa.