DCC Rufiji Yajadili Mapendekezo ya Rasimu ya Mpango na Bajeti

Posted on: February 8th, 2024

Kamati ya ushauri ya Halmashauri ya Wilaya ya Rufiji DCC,imeijadili na kupitisha mapendekezo ya rasimu ya mpango na bajeti yenye jumla ya shilingi 27,715, 508, 240.00 ya Halmashauri kwa mwaka wa fedha 2024/25, huku shilingi 6, 015, 037, 240.00 kati ya fedha hizo ni mapato ya ndani yanayotarajiwa kukusanywa.

Akizungumza baada ya kupokea mapendekezo hayo kutoka kwa wajumbe na kufunga kikao hicho, Mkuu wa Wilaya ya Rufiji Meja Edward Gowele ambaye pia ni Mwenyekiti wa kikao, amesisitiza kuendelea Kushirikiana na kutunza vyanzo vya mapato ili kufikia lengo la mapendekezo ya rasimu ya mpango na bajeti.

“ili tuweze kuifikia ni lazima tufanye kazi kwa bidii, uaminifu na uadilifu, kama wote tukasimama pamoja tukiwa na intention (lengo) moja, naamini haya tunaweza kuyafikia na tunaweza tukavuka. Sasa ni vyema tukashirikiana kuanzia ngazi ya juu mpaka ya chini ikiwa ni pamoja na Wananchi” Amesisitiza Mheshimiwa Gowele.

Kikao hicho kimefanyika katika ukumbi wa Halmashauri ya  Wilaya ya Rufiji februari 8, 2024.

Awali Mwenyekiti wa Halmashauri ya Wilaya ya Rufiji pamoaj na Mkurugenzi mtendaji waliendelea kusisitiza kuhusu kutunzaji wa vyanzo vya mapato ili kufikia malengo.