DC RUFIJI AKABIDHIWA VYUMBA VYA MADARASA

Posted on: December 27th, 2021

Leo Desemba 27.2021 Mkuu wa Wilaya ya Rufiji Meja Edward Gowele ameanza ziara ya kupokea vyumba 48 vya Madarasa vilivyokuwa vikijengwa kwa fedha za mpango wa maendeleo kwa Ustawi wa Taifa na Mapambano dhidi ya Uviko 19.
 Meja Gowele ametoa pongezi kwa wasimamizi na kamati zote za Ujenzi zilizofanikisha Ujenzi kwa kuhakikisha madarasa yanajengwa kwa wakati, viwango pamoja na uwepo wa samani katika vyumba hivyo ikiwemo na Ofisi.
" Ni wapongeze pia kwa kuhakikisha sio tu mnamaliza jengo kwa wakati, bali mmekamilisha na samani zake pamoja na Ofisi kwa kila jengo. Hii ni hatua kubwa kwa Wilaya yetu kwani limebaki swala moja tu la Wanafunzi kuingia darasani." Alisema Meja Gowele