DC KOMBA AKEMEA WAFUGAJI WAVAMIZI KUINGIZA MIFUGO MASHAMBANI

Posted on: January 4th, 2024

Mkuu wa Wilaya ya Rufiji Luteni Kanali Fredrick Komba, amekemea vikali tabia ya baadhi ya Wafugaji kuvamia mashamba ya Wakulima na kulisha mifugo yao kinguvu hali aliyodai itasababisha uvunjifu wa wa amani kati ya Mkulima na Mfugaji.

Amesema Rais Dkt. Samia Suluhu Hassani anataka Wananchi wa Rufiji waishi kwa amani na utulivu na sio migogoro kati ya Mkulima na Mfugaji, huku akisisitiza kuwa Mkulima na Mfugaji ni Watu wanaotegemeana katika maisha yao.

“Rais wetu Dtk. Samia anataka jami yetu iishi kwa amani. , migogoro ya Wafugaji na Wakulima nataka niikomeshe Rufiji nikishirikiana na ninyi” amesema DC Komba.

Mhe. Komba aliyasema hayo jana Septemba 30, 2024 katika kikao na Wananchi wa Kijiji cha King’ongo Kata ya Mohoro baada ya kupokea kero hiyo kutoka kwa Wananchi.

Katika harakati ya kukomesha migogoro hiyo alikemea tabia ya baadhi ya Watendaji wa Serikali kupokea rushwa kutoka kwa Wafugaji ili wapeleke mifugo katika mashamba ya Wakulima.

Aidha Mhe. Komba aliwataka Watendaji wa Vijiji kuhakikisha wanatenga maeneo kwa ajili ya shughuli za ufugaji na kilimo ili kuepusha migogoro ya mara kwa mara kati ya Wakulima na Wafugaji.

Awali Diwani wa Kata ya Mohoro na Mwenyekiti wa Halmashauri ya Wilaya ya Rufiji Mhe. Abdul Chobo aliishukuru Serikali ya Rais Dkt. Samia Suluhu Hassani kwa kupeleka miradi ya  maendeleo ikiwemo ya umeme na elimu ambayo inaleta faraja kwa Wananchi wa Kijiji hicho.