DC , DAS WASHIRIKI KUWATOA WANANCHI MASHAMBANI KUPISHA MAJI

Posted on: March 10th, 2024

Viongozi mbalimbali katika Halmashauri ya Wilaya ya Rufiji akiwemo Mkuu wa Wilaya ya Rufiji Meja Edward Gowele wameshiriki katika juhudi za kuwahamisha Wananchi wa Kata ya Utete Wilayani Rufiji Mkoani Pwani, kutoka mashambani na kuwarudisha Vijijini baada ya maji yaliyofunguliwa kutoka katika Bwawa la umeme la Julius Nyerere.

Akizungumza na Wananchi akiwa Katika kivuko cha Feri-Utete aliendelea kuwataka Wananchi kuhamasisahana kuhama maeneo ya mabondeni ili kunusuru Maisha yao.

“tumepokea taarifa mchana huu maji yanazidi kuja kwa kasi, ule ujazo wa mita 6,000 uliokuwa awali leo umeongezeka umekuwa 7,000 kwa sekunde na ndio maana mnaona maji yanazidi kuongezeka. Kwahiyo chakufanya ni kuwaambia ndugu zetu wahame wasogee mbali kabisa (warudi vijijini) kwasababu maji yanazidi kuongezeka” alisisitiza Mhe. Gowele.

Wananchi hao wamehamishwa jana machi 10, 2024 kwa msaada wa boti mbili za serikali baada ya mashamba yao kuzingirwa na maji.

Wakizungumza baadhi ya Wananchi waliohamishwa akiwemo Mohamedi Kinjumbi Mkazi wa Utete ambaye alihama saa mbili ya usiku amesema maji yamekuwa mengi, hivyo amelazimika kuhama ili kuokoa uhai wake, huku baadhi wa mazao yake yakiwemo Mahindi na ndizi zipo kwenye maji.

“watu wameshapoteza mazao yao yote, Mahindi yamezama mpaka sasa hivi tunahangaika namna ya kuyatoa, tatizo kubwa ni boti chache, wananchi wengi wa Utete wanalima ng’ambo ndo maana unaona mpaka saizi saa mbili ya usiku tupo hapa” alisema kinjumbi.

Haji Mng’ombe Mwananchi wa Utete ameishukuru serikali Wilayani humo kwa kuwa pamoja na waathirika katika kufanya jitihada za kuwahamisha kutoka mashambani na kuwarudisha vijijini huku akitoa wito kwa Wananchi wengine kutoka maeneo ya Mabondeni.

“tunamshukuru Mkuu wetu wa Wilaya ya Rufiji na jopo lake lote katika kupambania usalama wa Wananchi, kiwango cha maji kinachozingi kuingia kwa kasi ni hatari sana kwahiyo tunatakiwa Wananchi tunatakiwa kutoka mabondeni kwa ajili ya usalama wetu” amesema.

Vilevile, Gowele alitoa tahadhari kwa kuwataka Wazazi na Walezi kuwaangalia Watoto wao wasicheze kwenye mabwawa yanayoingia maji, kwasababu maji hayo yanaweza kuja na mamba wengi.

“Watoto wetu tuwaangalie wasikae maeneo hayo, hata ninyi mnaochota maji pembezoni mwa mto tuwe na tahadhari kubwa” aliongeza Gowele.

Kamati ya Maafa ilivyuoanza kutoa tahadhari.

Machi 7, 2024 Kamati ya Maafa ilifika katika eneo hilo na kupiga marufuku kutumia mitumbi kuvushia abiria badala yake litumike boti ya serikali kutokana na maji kuwa kuwa makali huku akiwataka Wananchi kuvaa mamboya wanapokuwa majini kwenda na kurudi shamba.

“hakuna spea ya nafsi, tunawaheshimu , tunawapenda ndo maana tunatoa maelekezo kwenu, hii haina tofauti na mafuriko ya mvua za el-nino lazima tuchukue tahadhari. Nikosa kuweka watoto wa shule mashambani na tuwaambie wenzetu wanaokaa mabondeni (mashambani) watoke huko (warudi Vijijini)” alisisitiza Insp. Henry Mwaluseke Mkuu wa Jeshi la Zimamoto na Uokoaji Wilayani Rufiji ambaye pia ni Mjumbe wa Kamati ya Maafa.

Katika hatua nyingine,  Kamati hiyo ilifikia katika Kata ya Chumbi na Mohoro kwa lengo la kutoa elimu kwa Wananchi