BARAZA LA MADIWANI RUFIJI LAPITISHA BIL. 40.9 YA RASIMU YA MPANGO NA BAJETI 20266/2027 KWA AJILI YA UTEKELEZAJI WA MIRADI YA MAENDELEO

Posted on: February 19th, 2026

Baraza la Madiwani la Halmashauri ya Mji Rufiji limejadili na limepitisha mapendekezo ya rasimu ya mpango na bajeti ya Halmashauri ya Mji Rufiji kwa mwaka wa fedha 2026/2027 yenye Jumla ya Shilingi 40, 961, 397,000.00 kwa ajili ya utekelezaji wa Shughuli mbalimbali za Halmashauri ambao unalenga kwenda kusogeza huduma kwa Wananchi.

Baraza hilo limepitisha rasimu hiyo leo Februari 19, 2026 katika kikao cha Baraza Maalum la Kujadili rasimu ya mpango na bajeti ya mwaka wa fedha 2026/2027 iliyofanyika katika Ukumbi wa Halmashauri.

Kwa upande wake Mwenyekiti wa Halmashauri ya Mji Rufiji Mhe. Abdul Chobo amewataka Madiwani pamoja Watendaji wa Serikali kuhakikisha wanasimamia vizuri vyanzo ya mapato ya Halmashauri ili rasimu ya mpango huo uweze kutekeleaka kama ilivyopangwa.

Akiwasilisha taarifa hiyo, Kaimu Mkuu wa Kitengo cha Ufuatiliaji na Tathimini Faustinr Selestine amesema bajeti hiyo itakwenda kusaidia katika utekelezaji wa miradi ya maendeleo kwa Wananchi pamoja na umaliziaji wa miradi ya maendeleo ili kutimiza adhima ya Serikali ya kuoeleka huduma kwa Wananchi.