BAJETI RUFIJI KUTATUA CHANGAMOTO ZA ELIMU NA AFYA

Posted on: January 20th, 2021

Mkuu wa Wilaya Rufiji Luteni kanali Patrick Sawala amesisitiza kuwa bajeti inaypitishwa  iweke kipaumbele suala la elimu na afya ili kukabiliana na changamoto za ongezeko la mahitaji hasa katika sekta hizo mbili muhimu katika wilaya hiyo.

Ameyasema hayo katika Mkutano wa baraza la bajeti la madiwani lililokaa kupitia na kupitisha bajeti ya mwaka 2021/2022

Sawala  kuwa Rufiji kwa sasa inakabiliana na upungufu wa vyumba vya madarasa 460 kwa shule za Msingi, na vyumba vya madarasa 40 kwa shule za sekondari ikiwemo matundu ya vyoo 1245. “hivyo tuchukue hatua sasa ya kuanza kujenga miundombinu hiyo. Tuje na mikakati kabambe ya kuondoa mapungufu haya mapema.” Alisema.

Kwa upande wake Mwenyekiti wa Halamshauri Mhe. Juma Ligomba amesema, bajeti ya 2021/2022 imejikita katika kuboresha miundombinu ya elimu. “ jumla ya milioni 790 tumezitenga kwaajili ya ujenzi wa madarasa, ambapo vyumba vya sekondari vitakuwa na thamani ya milioni 420 na msingi milioni 370

Naye Kaimu Mkurugenzi Mtendaji Geriad Mgoba amesema miundombinu ya elimu na Afya ni kipaumbele cha bajeti mpya ili kupunguza changamoto za madarasa, nyumba za walimu, matundu ya vyoo pamoja na viti na meza.