MIGUU SABA YAFANYA UHUISHAJI WA MASHAMBA

Posted on: April 30th, 2021

Leo Aprili 30. 2021 Mkuu wa Wilaya ya Rufiji Luteni Kanali Patrick Sawala ameongoza kikao maalum cha uhuishaji wa mashamba katika Kijiji cha Mibuyu saba Kata ya Mwaseni kwa wawekezaji wazawa ambao ni Kibaha Conference Centre Ltd na Alsta Visitor Engeneering Ltd ili kupatiwa mashamba yenye ukubwa usiopungua hekari 3000 kwaajili ya kuanzisha kilimo cha Miti ya nguzo za umeme, mazao ya biashara na chakula pamoja na kiwanda kitakachotumika kuchakata malighafi zitakazozalishwa mashambani.

Aidha wawekezaji hao wameahidi kutekeleza masharti waliyopewa ambayo ni Ununuzi wa Trekta ya Kijiji, ununuzi wa boti,Ujenzi wa nyumba za Walimu msingi na Sekondari, Ujenzi wa Vyumba viwili vya Zahanati, Kuboresha mfumo wa usambazaji wa maji safi, Kutoa kipaumbele cha ajira mashambani na Kiwandani, pamoja na kuwezesha soko la uhakika kwa mazao yatayolimwa na Wananchi.